Tuńǵyshbaı Jamanqulov aýrýhanaǵa túsip qaldy

7279

Halyq ártisi Tuńǵyshbaı Jamanqulov aýrýhanaǵa túsip qaldy dep habarlaıdy "Adyrna" ulttyq portaly.

Ol týraly halyq ártisiniń shákirti Asqar Naımantaev feısbýktegi paraqshasynda jazdy. Belgili bolǵandaı, halyq ártisiniń hali qazir birqalypty.

"Sovmınkada ustazym Tuńǵyshbaı Jamanqulov jatyr eken. Búgin taýyp aldym. Baıaǵy Jeltoqsanda elmen birge Ázerbaıjan Mámbetov ekeýi alańǵa shyǵyp, jastarmen birge taıaq jegen ǵoı. Myna dúrbeleń bastalǵan kúni kóshedegi jastardy ýaıymdap, jantalasyp, qan qysymy kóterilip, tura almaı qalypty. Ákimshilik "Aǵa, alańǵa, eldiń aldyna shyǵyp, sóılesip kórińizshi" - dep ótingen eken, "álsirep, tura almaı qaldym, átteń, barýym kerek edi!" - deı beredi.
Ol kúnderi jedel járdem de kelmeı qaldy ǵoı. Áıteýir kórshi dáriger tabylyp, barymen emdep, ilde-alda qylypty. Internet qosylǵanda neshe túrli aqparat kórip, myna jazyqsyzdarǵa arasha bola almadym dep ol qan qysymyn qaıta-qaıta kóterip jatyr. Keshegi "Qazaq ádebıeti" gazetin aparyp berip, biraz sý seýip qaıttym.
Aǵamyz jan-tánimen halyqpen birge! Jazyqsyz jastardyń tileýin tilep otyr", — dep jazdy Asqar Naımantaev.

 

"Adyrna" ulttyq portaly.

Pikirler
Redakııa tańdaýy