Almaty qalasy Qazaqstandaǧy mädeniet pen sporttyŋ basty ortalyqtarynyŋ bırı desek qatelespeimız. Qalada öner men sport salalary keŋınen damyǧan, jäne būl baǧyttar qala tūrǧyndary men qonaqtarynyŋ ömırınde aitarlyqtai maŋyzdy oryn alady.
Öner – aldy qyzyl tıl
Almatyda bırneşe ataqty teatrlar bar, olardyŋ ışınde Abai atyndaǧy Qazaq memlekettık akademiialyq opera jäne balet teatry, M.Äuezov atyndaǧy Qazaq memlekettık akademiialyq drama teatry, jäne Lermontov atyndaǧy orys drama teatry erekşe oryn alady. Būl mädeni mekemeler ūlttyq jäne halyqaralyq qoiylymdar ūiymdastyryp, Qazaqstannyŋ mädeni mūrasyn därıpteude maŋyzdy röl atqaryp jatyr. Kinoindustriia. Almaty Qazaqstandaǧy kinoindustriianyŋ negızgı ortalyǧy. Qalada jyl saiyn “Euraziia” halyqaralyq kinofestivalı siiaqty maŋyzdy mädeni şaralar ötedı. Sonymen qatar, köptegen qazaqstandyq filmder men teleserialdar osy qalada tüsırılıp jatady. Būl qalanyŋ mädeni damuyna jäne kino önerınıŋ keŋ taraluyna öz ülesın qosyp keledı. Körkemsuret jäne zamanaui öner. Almatyda körkemsuret galereialary men muzeiler köptep kezdestıremız. Olardyŋ qatarynda Äbılhan Qasteev atyndaǧy Memlekettık öner mūrajaiy erekşe oryn alady, mūnda qazaq jäne şeteldık suretşılerdıŋ bai kolleksiialary saqtalǧan. Sondai-aq, zamanaui öner ortalyqtary men kreativtı keŋıstıkter, mysaly atap öter bolsaq: ARTiSHOCK teatry, Tselinny Sentr jäne Esentai Gallery syndy jaŋa buyn suretşılerı men dizainerlerıüşın platforma retınde qyzmet etedı. Būdan basqa, Almatyda türlı muzykalyq janrlar keŋınen taralǧan. Qalada zamanaui muzykalyq festivalderden bastap, klassikalyq muzyka konsertterıne deiın ötedı. Almaty simfoniialyq orkestrı men türlı halyq aspaptary ansamblderı qalanyŋ mädeni ömırıne erekşe reŋk beredı.
Sport - beibıtşılık elşısı
Almaty qalasy tau şaŋǧysy jäne qysqy sport türlerımen tanymal. Şymbūlaq tau-şaŋǧy kurorty – halyqaralyq deŋgeide tanylǧan sporttyq nysan, mūnda jyl saiyn qysqy sport türlerı boiynşa halyqaralyq jarystar ūiymdastyrylady. Medeu mūz aidyny – älemdegı eŋ biık ornalasqan aşyq mūz aidyny, onda konki tebumen qatar türlı jarystar ötedı. Odan bölek mūnda jergılıktı halyq demalu üşın köp jinalady. Futbol jäne basqa da komandalyq sport türlerı. Qalanyŋ futboldan damuyna “Qairat” futbol kluby erekşe üles qosyp jür. Klubtyŋ stadionynda ärtürlı deŋgeidegı futbol matchtary ötkızılıp, futbol süier qauymdy jinaidy. Sonymen qatar, būl jerde basketbol, voleibol jäne regbi siiaqty komandalyq sport türlerı de tanymal dep aita alamyz. Jeŋıl atletika jäne jappai sport. Almatyda jappai sportpen ainalysu üşın keŋınen damyǧan infraqūrylym bar. Qalada jügıru jarystary, velosiped jarystary, marafondar men türlı sporttyq ıs-şaralar jiı ötkızılıp tūrady. Äsırese, Almaty marafony halyqaralyq deŋgeide belgılı şaralardyŋ bırı. Tūrǧyndarda mūndai jiyndarda belsendılık tanytyp qatysady. Küres jäne jekpe-jek sporttary. Mūnda küres, dziudo, bokspen ainalysatyn sportşylardyŋ sany köp. Būl sport türlerı boiynşa qalada respublikalyq jäne halyqaralyq turnirler ötkızılıp tūrady. Qazaqstandyq tanymal sportşylardyŋ bırqatary osy qaladan şyqqan.
Sport infraqūrylymy. Qalada köptegen stadiondar, sport zaldary, fitnes ortalyqtar jäne sporttyq keşender bar. Olardyŋ ışınde “Halyq Arena”, “Baluan Şolaq atyndaǧy sport saraiy” jäne “Almaty Arena” siiaqty ırı sport keşenderı maŋyzdy oryn alady. Mūnyŋ barlyǧy Almaty qalasynyŋ sport infraqūrylymy joǧary deŋgeide ekenınıŋ aiqyn dälelı!
Qorytyndylai kele, Almaty qalasy öner men sport salalarynda köpqyrly jetıstıkterge qol jetkızıp keledı. Öner salasy dästürlı mädeniet pen zamanaui kreativtı baǧyttardy ūştastyrsa, sport salasy halyqaralyq deŋgeidegı jarystar men jappai sportty damytuǧa dūrys baǧyttalǧan.
Mūratqyzy Aigül
Ūqsas jaŋalyqtar
