Qūrmanbek Jūmaǧali "Ūlttyq kinony qoldau memlekettık ortalyǧy" KEAQ Basqarma Töraǧasy qyzmetıne taǧaiyndaldy, dep habarlaidy inbusiness.kz QR Mädeniet ministrlıgıne sılteme jasap.
Mädeniet jäne sport ministrı Ashat Oralov ūjymǧa jaŋa basşyny tanystyrdy. Esetjan Qosubaev atqarǧan qyzmetınen bosatyldy.
Qūrmanbek Jūmaǧalidıŋ mass-media jäne telemenedjment salasynda 10 jylǧa juyq täjıribesı bar. Eŋbek jolyn "Qazaqstan" telearnasynda redaktor bolyp bastaǧan, "Habar" agenttıgınıŋ jetekşı redaktory, tılşısı. 2013-2018 jyldary Qūrmanbek Jūmaǧali Qaraǧandy oblysy äkımdıgınıŋ baspasöz qyzmetınıŋ basşysy jäne Maŋǧystau oblysy ışkı saiasat basqarmasynyŋ basşysy bolǧan. 2018-2019 jyldary "Qazaq radiolary" JŞS basqardy,""Qazaqstan" RTRK" AQ Basqarma töraǧasynyŋ bırınşı orynbasary boldy. Osy uaqytqa deiın "31" mediaholdingınıŋ bas direktory bolyp eŋbek etken.
Ūlttyq kinony qoldau jönındegı memlekettık ortalyq 2019 jyly kinematografiiany damytuǧa memlekettık qarajatty bölu jäne basqa elderdıŋ ülgısı boiynşa jeke kinokompaniialardy qoldau üşın qūrylǧan.
Kinoortalyqta 2019-2022 jyldar aralyǧynda "Dos-Mūqasan" lentasyn qosa alǧanda, 14 film prokatqa şyǧarylyp, olar jalpy prokattan 503,2 mln teŋge jinady. "Paralimpiadaşy", "Shema", "Aǧaiyndylar" jäne "Mergen" siiaqty kartinalar halyqaralyq kinofestivalderdıŋ jüldelerıne ie boldy.
Ötken jyly Ūlttyq filmder şyǧaruǧa bölınetın qarajatty böludıŋ jaŋa täsılı belgılendı: 70% tarihi, patriottyq jäne imidjdık; 30% — jeke kinojobalardy, onyŋ ışınde debiuttık jobalardy bırlesıp qarjylandyru. Sonymen qatar, memlekettık qarjylyq qoldau alu üşın kinematografiialyq qyzmet subektılerı men talaptarynyŋ auqymy keŋeitıldı.
Sondai-aq, şet tılındegı filmderdı qazaq tılıne dubliajdau MKQO arqyly jüzege asyrylady. 2022 jyly "Avatar" filmınıŋ bırınşı bölımı (2009 jylǧy re-reliz), "Qara Qabylan. Vakanda jasasyn. Su joly" jäne "Avatar" filmderı qazaq tılıne audarylǧan kinotaspalar arasynda kassalyq jiyn boiynşa rekord ornatty.
Ūqsas jaŋalyqtar
