Qazaqstandaǵy bir top teolog-dintanýshy Prezıdent Q.Toqaevqa úndeý joldady dep habarlaıdy «Adyrna» ulttyq portaly.
Olardyń úndeýin tómende tolyq mátinde berip otyrmyz.
«Prezıdent myrza! Taıaýda bolǵan qaıǵyly jaǵdaılarǵa baılanysty, óz eliniń taǵdyryna beı-jaı qaramaıtyn azamattar retinde bizdiń oıymyzsha elimizdiń damýyna oń áser etip, qaýipsizdigin nyǵaıtýǵa septigin tıgize alatyn usynyspen sizge úndeý jasap otyrmyz.
Bárimiz biletindeı, búkil Qazaqstan, ásirese Almatyda ótken oqıǵalarda lańkester men búlikshiler jalpy aıtqanda qylmyskerler, memleketimizge ekonomıkalyq, áleýmettik, eń bastysy – gýmanıtarlyq nuqsan keltirdi.Bul búlikke ártúrli destrýktıvti kúshter qosyldy jáne Ujymdyq qaýipsizdik týraly shart uıymynyń (UQShU) Ujymdyq qaýipsizdik keńesiniń kezekten tys sessııasynda atap ótkenińizdeı dinı radıkaldar boı kórsetti. Qazaqstanǵa dinı ekstremızm men terrorızm qaýpi áli de tónip turǵany, jáne bolashaqta sondaı qylmys jasaýdyń yqtımaldyǵyn tómendetý úshin bul qylmystyq qubylystardyń sebepterimen aldyn ala kúresý kerektigi taǵy anyq boldy. Árıne, búgingi bolmysymyzdy eskere otyryp, biz birinshi kezekte «ıslamıstik» dep atalatyn radıkaldar týraly sóz qozǵap jatyrmyz.
Qazirgi ýaqytta musylmandardy deradıkalızaııalaý mindetin memleket «Qazaqstan Musylmandary Dinı basqarmasy» (QMBD) degen dinı birlestikke júktedi, biraq is júzinde radıkaldar, «baısaldy» dindar adamnyń betperdesin jamylyp, QMBD júıesinde ári bul uıymnyń atynan qyzmet atqarady, sondaı-aq ózderine sheneýnik, saıası qaıratker men memleket qyzmetkerleriniń arasynan jaqtas nemese qoldaýshylardy taýyp alady. Sońǵysy, asylynda, memlekettiń QMBD-men ózara yqpaldastyǵynda bolyp jatyr, sebebi QMBD memlekettik mekemeleriniń qabyrǵalarynda ýaǵyz aıtyp, dinı ádebıettiń memlekettik (!) saraptamasyna yqpal jasaı alady, oǵan qosa memleket óz kezeginde QMDB-ǵa óziniń keıbir ókilettikterin beredi. Máselen, deradıkalızaııa boıynsha jumysty dinı birlestikter emes, memlekettiń ózi atqarýy kerek. Osylaısha, radıkaldy dinı nasıhatshylar memlekettik qyzmetkerlermen baılanys arnalaryn jaqsy ornatty. Zaıyrlylyq qaǵıdaty bolsa, dinniń memleket isterine aralaspaýdy jáne kerisinsheni talap etedi. Bizdiń pikirimizshe, dáp osy «aralaspaýshylyq» qaǵıdatyn aksıomadaı qatty ustaný kerek. Bul radıkaldardyń memleketke degen yqpalyn jáne memlekettik qyzmetkerlerdiń radıkaldarmen qosylmaı, ıaǵnı ol faktordy azaıtýǵa kómektesedi.
Áıtpese, biz tıimsiz jumys, tómen nátıjeler men memlekettik bıýdjetten bos shyǵyndardy kórip jatyrmyz, al eń bastysy, bundaı kórineý sátsiz jumys qaıǵyly saldarǵa aparady. Bul kesirli sheńberdi úzý kerek. Zaıyrlylyqqa degen bet alýshylyq zaıyrlylyq qaǵıdattaryn aǵartý maqsattarynda qoldanýdy qamtıdy. Óıtkeni, dáp osy aǵartýdyń joqtyǵy, ıaǵnı zulmat, kertartpalyq adamdardy radıkalızmge ıtermeleıdi. Zaıyrlylyq qaǵıdattaryn tolyqtaı iske asyrý maqsatynda áýeli «Dinı qyzmet jáne dinı birlestikter týraly» Zańnyń kirispesindegi «hanafı baǵytyndaǵy ıslamnyń jáne pravoslavıelik hrıstıandyqtyń halyqtyń mádenıetiniń damýy men rýhanı ómirindegi tarıhı rólin» taný týraly sózderdi alyp tastaý kerek. Biz qoǵamda laıızm proesin kúsheıte júrgizýdi usynamyz, bizdiń usynysymyzdy qabyldaısyz dep úmittenemiz!»- delingen úndeýde.
Úndeý sońynda dintanýshylar Prezıdentke elde salafızmge zańmen tyıym salýdy surady.
«Adyrna» ulttyq portaly.
