Burynǵy qarjy mınıstri Bolat Jámishev «Qazaqstan halqyna» qoǵamdyq álýmettik qorynyń tóraǵasy bolyp saılandy, dep habarlaıdy «Adyrna» tilshisi.
Qor kelesi mindetterdi oryndaıtyn bolady:
- Qazaqstan Respýblıkasynyń halqyna densaýlyq saqtaý, bilim berý jáne áleýmettik qoldaý, mádenıet jáne sport salalarynda memlekettik qoldaý sharalarynan tys qosymsha qamtamasyz etý máseleleri boıynsha qaıyrymdylyq kómek kórsetý;
- tótenshe jaǵdaılar kezinde jáne tótenshe jaǵdaı rejımin engizý kezinde Qazaqstan Respýblıkasynyń zardap shekken halqyna kómek kórsetý;
- halyqtyń áleýmettik osal toptary jáne osal top balalaryna sporttyq ınfraqurylymnyń damýy jáne qoljetimdiligin arttyrý boıynsha járdemdesý;
- Qazaqstan Respýblıkasynyń aýmaqtyq tutastyǵy men qaýipsizdigin qorǵaý kezinde qaza tapqan quqyq qorǵaý organdary, arnaıy organdar qyzmetkerleriniń, áskerı qyzmetshilerdiń otbasylaryna jáne basqa da kómekke muqtaj jandarǵa qol ushyn sozý, qoldaý;
- Qor qyzmetiniń basqa baǵyttary boıynsha qaıyrymdylyq kómek kórsetý.
Qordy qarjylandyrý jeke qaınarkózderden, halyqaralyq qaıyrymdylyq uıymdarynyń qarajatynan, lotereıa qyzmeti operatorynyń, stavkalardy esepke alý ortalyǵynyń jáne basqa da monopolısterdiń mindetti aýdarymdarynan, iri bıznes tarapynan turaqty aýdarymdarynan, qaıyrymdylyqqa, onyń ishinde kvazımemlekettik sektorǵa arnalǵan qarajattan júzege asyrylatyn bolady.
"Qazaqstan halqyna" QÁQ – nyń joǵary basqarý organy retinde Qorǵa qatysýshylardyń jalpy jınalysy, baqylaýshy organ retinde Qamqorshylyq keńes, atqarýshy organ bolyp Basqarma jánǵ baqylaýshy organ bolyp Tekserý komıssııasy taǵaıyndalady.
Bıznes-qoǵamdastyqtyń ókilderi men kómek retinde qol ushyn sozǵysy keletin azamattar "Qazaqstan halqyna" Qorynyń shotyna kelesi rekvızıtter boıynsha qarajat aýdara alady:
«Qazaqstan halqyna» Qoǵamdyq Qory, JSN/BSN: 220140006999, Kbe 18, KZ97601A871001692501 KZT, «Qazaqstan Halyq Banki» AQ
«Adyrna» ulttyq portaly
