2012 jyly negizi qalanǵan «Astana» velokomandasy Qazaqstannyń álemdik sporttaǵy ımıdji deýge bolady. «Adyrna» ulttyq portaly veloujymnyń 10 jyldyǵy qarsańynda komanda tarıhyndaǵy basty jeńister týraly shyǵarylymdar serııasyn daıyndaǵan bolatyn, sony nazarlaryńyzǵa usynamyz:
«Astana» veloklýby qurylǵan sátten-aq jas veloshabandozdardy tárbıeleý isine basa nazar aýdaryp, urpaqtar sabaqtastyǵyn jolǵa qoıa bildi. Sonyń nátıjesinde komanda qorjyny álemdik deńgeıdegi júldeli oryndar men jarqyn jeńisterge toly boldy.
Elordalyq velokomanda resmı iske kirisken jyldan bastap halyqaralyq grand-týrlarda favorıtter qatarynan túsken emes. Jekelegen shabandozdar veloujymnyń komandalyq esepte aldyńǵy oryndarǵa jaıǵasýyna yqpal etip, lıderler qatary ulǵaıdy.
Alǵashynda Aleksandr Vınokýrovtyń London olımpıadasyndaǵy aıqyn jeńisi komandany álemge taǵy bir márte tanytty. Sodan soń Vınokýrovtyń «Výelta» kópkúndigindegi jeńisti joly komanda bedelin odan ári arttyra tústi. Tipti onyń jetistikteri men áleýeti velojobany bastaý ıdeıasyn qalyptastyrdy deýge tolyq negiz bar.
Komandanyń bastapqy dástúri áli kúnge deıin saqtalyp keledi. Aıtalyq, «Astana» veloklýby qazaqstandyq jas shabandozdardyń damýyna yqpal etýde. Vınokýrov syndy chempıondardy daıarlaǵan veloklýbta tárbıelenýshiler sany jyl saıyn artyp keledi. Búgingi tańda jergilikti stýdentterdiń sany áldeqaıda joǵary.
Aldyńǵy qatary, keler maýsymda «Djıro d'Italııa», «Haen Paraıso Interıor», «Andalýsııa Výeltasy», «Omlýýp Het Nıýzblad», «Valensııa Výeltasy», «Tırreno-Adrıatıko», «Mılan-San-Remo», «Alpi» týry jáne «Parıj-Nıa» velojarystarynda baq synamaq.
Veloujym 2021 jyldy jemisti támamdady. Jańa quram jasaqtap, tarıhı «Astana» ataýyn «Astana Qazaqstan Team» dep ózgertti. Ótken maýsym 2020 jylmen salystyrǵanda sátti ótti. Biraq jyl basyndaǵy Ispanııa men Taıaý Shyǵystaǵy sátsizdikterdi esepke almaǵanda. Ádettegi jetistikter bul joly sýsyp ketti. Maýsymnyń alǵashqy jeńisteri tek sáýir aıynda «Bask» týrynan bastaý aldy.
Sodan keıin Aleks Aranbýrý ekinshi kezeńde márege birinshi bolyp jetti. Al Ion Izagırre bolsa tórtinshi oryndy qanaǵat tutty. Budan buryn «Astana» veloklýby «Parıj-Nıa» kópkúndigine jaqsy sapar shekken bolatyn. Vlasov ekinshi, Ion Izagırre úshinshi boldy. Lýenko Mıgel Indýraına gran-prıinde jeńiske bir taban jaqyn boldy. Alehandro Valverdeden shamaly qalyp qoıdy deýge bolady.
Sondaı-aq «Astananyń» shabandozy Lýıs Leon Sanches úshinshi orynǵa shyqty. «Alpi» týrynda Aleksandr Vlasov jarys qorytyndysy boıynsha úshinshi orynǵa jaıǵasty. Alekseı Lýenko «Dofın Krıterııinde» jekeleı synda maýsymdaǵy alǵashqy jeńisine qol jetkizdi, jalpy esepte ol ekinshi boldy. Sonymen qatar «Shveıarııa» týrynda Iakob Fýlsang podıýmǵa kóterildi. Qysqasyn aıtqanda, dástúrli chempıonattarda «Astana» veloshabandozdary da ózderin kórsete bildi.
Jekeleı synda reseılik Aleksandr Vlasov, ıtalıandyq Matteo Sobrero, ıspandyq Ion Izagırre, Erıtreıa Merhavı Kýdýs jáne kanadalyq Ýgo Ýl chempıon atandy. Toptyq jarysta ıspandyq Omar Fraıle men qazaqstandyq Evgenıı Fedorov jeńiske jetti. Maýsym sońynda Lýenko «Ýgo Agostını kýboginde» jáne Italııadaǵy «Serenisissima Gravel» komandasynda jeńiske jetip, nátıjesinde maýsymnyń eń nátıjeli shabandozy atandy. «Veneto Klassık» maýsymynyń sońǵy jarysynda Samýel Battıstella jeńiske jetti. Jalpy «Astana» veloshabandozdary taǵy 11 ret túrli kópkúndik jarystarda jeńiske bir taban jaqyn boldy.
Velokomanda óz tarıhynda birneshe ret álemdik kóshbasshylardy quramaǵa shaqyrdy. Olar «Astana» quramynda birneshe ret iri jarystarda jeńis jolynan kórindi.
Bul tizimde 2008 jyldan beri «Astananyń» namysyn qorǵaǵan ıspandyq Alberto Kontador erekshe oryn alady. Sportshy úsh ret grand-týrlardyń jeńimpazy atandy. Atap aıtar bolsaq, ol «Djıro d ' Italııa» (2008), Výelta (2008) jáne Týr de Frans (2009) básekelerinde birinshi oryndy ıelendi.
Elordalyq komandanyń taǵy bir jeńisi – ıtalıandyq Vıncheno Nıbalı. Ol Kontador sııaqty iri kópkúndik jarystarda úsh ret qurmet tuǵyryna kóterildi. 2013 jyly Jırony jeńip, 2016 jyly Italııa grand-týrynda birinshi bolyp márege jetti.
Mundaı statıstıka velosport áleminde ózimizdiń qazaqstandyq brendimizdi qalyptastyrýǵa múmkindik beredi. Bul álemdik demeýshiler nazaryn komandaǵa burady. Óz kezeginde, bastapqyda memleket tarapynan tolyqtyrylǵan bıýdjet qazir meenattardan keledi. Jaqsy jolǵa qoıylǵan ınfraqurylymdar komandaǵa álemdik velosport juldyzdaryn tartýǵa múmkindik berdi. Bul qarjylyq jaǵynan paıdaly jáne legıonerler jergilikti shabandozdardyń biliktiligin arttyrýda mańyzdy ról atqarady. Sebebi jergilikti sportshylarǵa aýyr júkteme júktelgen.
Quramanyń Olımpıadadaǵy nátıjelerine toqtalar bolsaq, qazaqstandyqtar Japonııada ózderin kórsete almady. «Týr de Franstan» keıingi jylý men joǵary ylǵaldylyq nátıjege áser etti. Toptyq jarysta úsheýi de qarsylastaryna ese jiberdi. Nátıjesinde, Lýenko tek 21-shi, Dmıtrıı Grýzdev pen Vadım Pronskıı jarysty aıaqtaı almady. Al Alekseı márege 32-shi bolyp jetti.
Maýsym sońynda Vınokýrovtyń jetekshiligimen «Astana» kásibı sport klýby ataýyn «Astana Qazaqstan Team» dep ózgertip, jańa komanda qura bastady. Lýenkomen kelisimshart úsh jylǵa, Iýrıı Natarov pen Evgenıı Gıdıchpen eki jylǵa uzartyldy.
Sondaı-aq Vıncheno Nıbalı men Mıgel Anhel Lopes «Astanaǵa» qaıta oraldy. Bul kompozıııany ıtalıandyq Djannı Moskon men Leonardo Basso, ıspandyq Devıd De La Krýz, amerıkandyq Djo Dobrovskı jáne kolýmbııalyq Sebastıan Enao nyǵaıtty.
Qorytyndylasaq, elordalyq «Astana Qazaqstan Team» komandasy elimizdiń velosport tarıhynda úlken «veloserpilis» bastaýy boldy. Jarqyn jeńister halyq arasynda bul sport túrine degen qyzyǵýshylyqtyń artýyna áser etti. Iri qalalarda arnaıy joldar salyna bastady. Óıtkeni velosıped áýesqoılarynyń sany kúrt ósti. Sonymen qatar, jyl saıyn respýblıkada kóptegen velojarystar men velomarafondar ótkiziledi. Oǵan myńdaǵan shabandozdar qatysady..
«Astana» kásibı sport klýbynyń bas seriktesi – «Samuryq-Qazyna» UÁQ» AQ, quryltaıshysy – Týrızm ındýstrııasy men sportty qoldaý qory
Oralbaı MERGENBAIULY
