بيىلعى جىلدىڭ قىركۇيەك ايىنان باستاپ نۇر-سۇلتان قالاسىندا «JAS MEDIA CLUB» اتتى جاس جۋرناليستەرگە ارنالعان جوبا باستاۋ الدى. جوبانىڭ ماقساتى — قازاق ءتىلدى كونتەنتتى دامىتۋدا جاس جۋرناليستەردىڭ پۋلىن قالىپتاستىرۋ، سونداي-اق ولاردىڭ ءبىلىمى مەن داعدىلارىن ارتتىرۋ.
جاستار جوباعا سوڭعى 3 اي ارالىعىندا وفلاين كەزدەسۋ فورماتىندا سەمينار-ترەنينگتەر، ماستەر-كلاسستار سياقتى ءتۇرلى نەتۆوركينگتەرگە قاتىستى. «JAS MEDIA CLUB» جوباسىنا كاسىبي بىلىكتى جۋرناليستەر سپيكەر رەتىندە ءوز تاجىريبەسىمەن بولىسۋگە شاقىرىلدى. ولار ءوزىنىڭ بار بىلگەنىن جاستارمەن ءبولىسىپ، پىكىر الماستى.
جوبانىڭ ۇيىمداستىرۋشىسى، جاستار قىزمەتكەرلەرى قاۋىمداستىعى اتقارۋشى ديرەكتورىنىڭ ورىنباسارى ايدار ءحاميتتىڭ ايتۋىنشا، بۇل جوبا ەلىمىزدە العاش رەت وتكىزىلىپ وتىر.
— مەديا جانە جۋرناليستيكاعا قىزىعۋشىلىعى بار جانە بۇل باعىتتا بەلسەندى جۇمىس جاساعىسى كەلەتىن جاستار بولسا، ولاردىڭ دامۋىنا قولداۋ كورسەتۋ ماقساتىندا وسى جوبانى ءداستۇرلى تۇردە وتكىزۋ كوزدەلىپ وتىر،- دەيدى ول.
«JAS MEDIA CLUB» جوباسى اياسىندا جاس جۋرناليستەرگە ارنالعان 10 كەزدەسۋدەن تۇراتىن، جالپى مەديا مەن جۋرناليستيكا، سالالىق جۋرناليستيكا، جۋرناليستيكاداعى قۇقىقتىق اسپەكتىلەرى، فوتوگرافيا نەگىزدەرى، مۋلتيمەديانى پايدالانۋ مەن بلوگينگ، ستوريتەللينگ جانە اناليتيكالىق تالداۋ، تەلەارنالارداعى ءتىل تازالىعى نەمەسە رەداكتۋراداعى مەديا ساۋاتتىلىق، جاڭالىق تاراتۋ، شۇعىل اقپارات تاراتۋ نەمەسە اقپارات الاڭىنداعى ءتىلشى جۇمىسى جانە PR تاقىرىبىن قامتيتىن كۋرستار، دارىستەر مەن ماستەر-كلاستار وتكىزىلدى.
جوبا اياسىندا وزدەرىنىڭ كاسىبي تاجىريبەسىمەن ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى «تەلەراديو جانە قوعاممەن بايلانىس» كافەدراسىنىڭ مەڭگەرۋشىسى، فيلولوگيا عىلىمدارىنىڭ كانديداتى، بەلگىلى ايتىسكەر، اقىن سەرىكزات دۇيسەنعازى، «قازاقپارات» حالىقارالىق اقپاراتتىق اگەنتتىگىنىڭ رەداكتورى، جۋرناليست ادىلبەك جاپاق، «Qazaqstan» ۇلتتىق تەلەارناسىنىڭ شەف-رەداكتورى، جۋرناليست، بلوگەر نۇربەك بەكباۋ، ساكەن سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ ءباسپاسوز حاتشىسى، جۋرناليست بەردىبەك حاباي، «ادىرنا» ۇلتتىق-ەتنوگرافيالىق پورتالىنىڭ جەتەكشىسى، كاسىبي جۋرناليست ارمان اۋباكىر، «قۇقىقتىق مەديا-ورتالىق» كوممەرتسيالىق ەمەس ۇيىمىنىڭ جەتەكشىسى، قۇقىق جانە جۋرناليستيكا سالاسىنداعى ساراپشىسى، جۋرناليست ديانا وكرەموۆا، «Astana IT university-ءنىڭ» وقىتۋشىسى، ديكتور، جۋرناليست بوگدان پەتروۆ، جاستار اراسىنداعى تانىمال بلوگەر، جۋرناليست، كوپيرايتەر بەكارىستان نۇرلانۇلى، فوتوگراف، «Jastar life» جاستار ينتەرنەت كانالىنىڭ ءفوتوتىلشىسى، «فوتوونەر» قب مۇشەسى مەيىربەك تاجكۋرانوۆ، «قازاقپارات» حالىقارالىق اقپارات اگەنتتىگىنىڭ ءتىلشىسى داۋلەت ىزتىلەۋوۆ، «TANBA» اگەنتتىگىنىڭ اتقارۋشى ديرەكتورى، PR مامانى اقسۇلۋ ساڭعالي، ت.ب ءبولىستى.
شارا بارىسىندا جوباعا بەلسەندى قاتىسقان جاستارعا سەرتيفيكاتتار تابىستالدى.
ۇيىمداستىرۋشىلاردىڭ ايتۋىنشا، جوبا جاس جۋرناليستتەردىڭ مەديا جانە جۋرناليستيكا سالاسىنىڭ قىر-سىرىمەن تانىسۋىنا ۇلكەن مۇمكىندىگىن بەرەدى. جوبا بارىسىندا الىنعان ءبىلىم مەن داعدىلار، تاجىريبەلەر قاتىسۋشىلارعا ءوزىنىڭ كاسىبي دەڭگەيىن ارتتىرۋعا جانە جۋرناليستيكا سالاسىندا العاشقى قادام جاساپ، ارى قاراي دامۋىنا سەپتىگىن تيگىزەدى.
ۇلبوسىن تىنىشباي.
