قازاقستان رەسپۋبليكاسىنىڭ باس قالاسى نۇر-سۇلتاندا "قازاقستان رەسپۋبليكاسى پرەزيدەنتى ءىس باسقارماسىنىڭ مەديتسينالىق ورتالىعى جۇيەسىندە قازاقستان رەسپۋبليكاسىنىڭ حالقىنا مەديتسينالىق كومەكتىڭ قولجەتىمدىلىگىن قامتاماسىز ەتۋ" تاقىرىبىندا ەكى كۇندىك سەمينار-كەڭەس جۇمىسىن باستادى.
ورتالىقتىڭ ميسسياسى - دياگنوستيكانىڭ، ەمدەۋ مەن وڭالتۋدىڭ جوعارى تەحنولوگيالىق ادىستەرىن قولدانا وتىرىپ، مەديتسينالىق كومەككە قول جەتكىزۋ ارقىلى قازاقستاندىقتاردىڭ دەنساۋلىعىن ساقتاۋ جانە قولداۋ.
ورتالىقتىڭ ۆەدومستۆولىق باعىنىستى ۇيىمدارىندا بار زاماناۋي جوعارى دالدىكتى اپپاراتۋرا، وزىق تەحنولوگيالاردى پايدالانۋ، عىلىمي جەتىستىكتەر مەن كاسىبي كادرلار كارديولوگيالىق، نەۆرولوگيالىق جانە ونكولوگيالىق اۋرۋلاردى ەرتە انىقتاۋعا ىقپال ەتەدى.
سەمينار قاتىسۋشىلارى مەن قوناقتارىنا قازاقستان رەسپۋبليكاسى پرەزيدەنتى ءىس باسقارماسى مەديتسينالىق ورتالىعىنىڭ باسشىسى ساۋلە قيسىقوۆا قۇتتىقتاۋ ءسوز سويلەدى.
ول قازاقستاندىقتاردىڭ زاماناۋي مەديتسينالىق قىزمەتتەرگە تەڭ قول جەتكىزۋى ءۇشىن دەنساۋلىق ساقتاۋ جۇيەسىن دامىتۋدىڭ ماڭىزدىلىعىن اتاپ ءوتتى:
"بىرىڭعاي ۇلتتىق دەنساۋلىق ساقتاۋ جۇيەسىن ەنگىزۋ ءبىزدىڭ ورتالىقتىڭ مەديتسينالىق ۇيىمدارىنا قازاقستان رەسپۋبليكاسىنىڭ حالقىنا مەديتسينالىق قىزمەت كورسەتۋ بويىنشا باسەكەلەس ورتاعا كىرۋگە مۇمكىندىك بەردى. بىرىڭعاي ۇلتتىق دەنساۋلىق ساقتاۋ جۇيەسىنىڭ نەگىزگى قاعيداتى پاتسيەنتتىڭ دارىگەردى جانە مەديتسينالىق ۇيىمدى ەركىن تاڭداۋ قۇقىعى بولىپ تابىلادى. بۇل قۇقىقتى ەلىمىزدىڭ بارلىق وڭىرلەرىنەن 100 مىڭنان استام ازامات پايدالانىپ، ءبىزدىڭ اۋرۋحانالاردا ەم الدى".
سەمينار-كەڭەستىڭ جۇمىسىنا نۇر-سۇلتان قالاسىنداعى ق.پرەزيدەنتتىك كلينيكاسىنىڭ، الماتى ق. ورتالىق كلينيكالىق اۋرۋحاناسىنىڭ (سوۆمينكا) باسشىلارى مەن جەتەكشى ماماندارى، قر دەنساۋلىق ساقتاۋ مينيسترلىگى مەن وڭىرلىك دەنساۋلىق ساقتاۋ باسقارمالارىنىڭ وكىلدەرى، ەلىمىزدىڭ جەتەكشى عزي عالىمدارى، گەرمانيا، فرانتسيا، تۇركيا، رەسەي، گرۋزيا، ءازىربايجان، بالتىق ەلدەرىنەن وسىنداي كلينيكالىق باعىتتاعى شەتەلدىك مەديتسينالىق ورتالىقتاردىڭ بەدەلدى ماماندارى قاتىسادى.
اتالعان ءىس – شارانىڭ نەگىزگى ماقساتى - اسا كۇردەلى اۋرۋلاردى ەمدەۋدەگى وتاندىق مەديتسينانىڭ مۇمكىندىكتەرىن، الەۋەتى مەن جەتىستىكتەرىن كورسەتۋ، ورتالىق اۋرۋحانالارىنىڭ قىزمەت باعىتتارىمەن تانىستىرۋ، بىرەگەي وپەراتسيالار جۇرگىزىلەتىن جاڭا جابدىقتاردى كورسەتۋ.
قازاقستاندىق جانە شەتەلدىك ارىپتەستەردىڭ تالقىلاۋلارى اراسىندا قازىرگى زامانعى عىلىمنىڭ يننوۆاتسيالىق باعىتتارىنىڭ ءبىرى - يادرولىق مەديتسينا. سونداي-اق covid-19 پاندەمياسى جاعدايىندا دەنساۋلىق ساقتاۋ جۇيەسىنىڭ جۇمىس ىستەۋىن ءتيىمدى ۇيىمداستىرۋ.
قازاقستان رەسپۋبليكاسى پرەزيدەنتى ءىس باسقارماسىنىڭ مەديتسينالىق ورتالىعى تۇراقتى، سالاۋاتتى جانە گۇلدەنگەن قوعام مۇددەسى ءۇشىن مۇددەلى سەرىكتەستەرمەن ىنتىماقتاستىققا ارقاشان اشىق!
“ادىرنا” ۇلتتىق پورتالى
