قىرعىزستان مۇسىلماندارى ءدىني باسقارماسى قوعامدا كەڭىنەن تالقىلانىپ جاتقان نيقاب ماسەلەسىنە قاتىستى رەسمي مالىمدەمە جاسادى، دەپ حابارلايدى “ادىرنا”.
نەگىزگى تۇيىندەر:
- شاريعاتقا سايكەس، ايەلدىڭ ءجۇزى مەن الاقاندارى اۋرەت ياعني، باسقا ادامداردىڭ كوزىنەن جابىق بولۋى ءتيىس دەنە مۇشەلەرى بولىپ سانالمايدى;
- نيقاب كيۋ – مىندەت ەمەس. ايەل ادام نيقاب كيمەسە، ول كۇنا جاساعان بولىپ سانالمايدى. كەيبىر جاعدايلاردا نيقاب كيۋ ماكرۇھ (قالاۋسىز ءىس) سانالادى، مىسالى، ناماز وقۋ كەزىندە. ال كەي جاعدايلاردا نيقاب كيۋ — حارام. ماسەلەن، قاجىلىق كەزىندە نيقاب كيۋگە تىيىم سالىنعان;
- قازىرگى تاڭدا قىرعىزستاندا نيقاب كيۋ قاجەتتىلىگى جوق.بەتىن جاپپاعان ايەلدەرگە قاۋىپ ءتونىپ تۇرعان جوق. مەملەكەت مىقتى، ازاماتتاردىڭ قاۋىپسىزدىگى باقىلاۋدا. قوعامنىڭ سالت-داستۇرىنە قايشى كەلەتىن ءپاتۋالار شىعارىلمايدى. نيقاب — ءبىزدىڭ قوعامعا جات قۇبىلىس;
- قازىرگى زاماندا نيقاب كيۋدى جەلەۋ ەتىپ، ارانداتۋشىلار قوعامدىق قاۋىپسىزدىككە قاتەر ءتوندىرۋى مۇمكىن. سوندىقتان ادامنىڭ ءتۇرى تانىلاتىنداي اشىق ءجۇرۋى ماڭىزدى;
- ءدىن ماسەلەلەرىندە تەك شاريعاتتاعى دالەلدەرگە سۇيەنۋ قاجەت. ءدىندى بۇرمالاۋ، جەكە مۇددە ءۇشىن پايدالانۋ، ارانداتۋشىلىق جاساۋ مەن ءدىندى ساياسيلاندىرۋ — اللانىڭ الدىندا ۇلكەن كۇنا بولىپ سانالادى.
ايتا كەتەيىك، قىرعىزستاندا قوعامدىق ورىنداردا نيقاب كيگەنى ءۇشىن 20 مىڭ سوم كولەمىندە ايىپپۇل سالۋ قاراستىرىلعان.
