اتباسار اۋدانى ينۆەستيتسيا جانە قۇرىلىس سالاسىندا قارقىندى دامىپ كەلەدى. بيىلعى جىلدىڭ العاشقى ءتورت ايىندا نەگىزگى كاپيتالعا سالىنعان ينۆەستيتسيا كولەمى 5 ميلليارد تەڭگەگە جۋىقتاپ، وتكەن جىلدىڭ سايكەس كەزەڭىمەن سالىستىرعاندا 25%-عا ارتتى.
ينۆەستيتسيالاردىڭ نەگىزگى باعىتتارى — ينجەنەرلىك جانە الەۋمەتتىك ينفراقۇرىلىمدى دامىتۋ، اۋىل شارۋاشىلىعى تەحنيكاسىن ساتىپ الۋ جانە جىلۋ جۇيەلەرىن جاڭعىرتۋ.
«ينۆەستيتسيا دەگەنىمىز – جاي عانا اقشا ەمەس، بۇل ناقتى قۇرىلىستار، مەكتەپتەر، تەحنيكا جانە جۇمىس ورىندارى. ءبىزدىڭ مىندەتىمىز – وسى قاراجاتتى حالىقتىڭ ءومىر ءسۇرۋ ساپاسىن جاقسارتۋعا اينالدىرۋ، – دەپ تولىقتىردى كەنەش اليمجانوۆ.اۋداندا ءىرى وندىرىستىك جوبالارمەن قاتار، شاعىن ساۋلەتتىك نىساندار دا قارقىندى سالىنۋدا: دۇكەندەر، كافە، قويمالار مەن كەڭسەلەر پايدالانۋعا بەرىلىپ جاتىر. قاڭتار–ساۋىر ايلارىندا 1371 شارشى مەتر تۇرعىن ءۇي پايدالانۋعا بەرىلدى. №1 شاعىن اۋداندا جەتى كوپقاباتتى ۇيگە، سونىڭ ىشىندە بەس 100 پاتەرلى ۇيگە ينجەنەرلىك جەلىلەر تارتۋ جۇمىستارى اياقتالدى. اتباسار قالاسىن جاڭعىرتۋ باعدارلاماسىنا ەرەكشە كوڭىل بولىنۋدە. قازىردىڭ وزىندە ەكى 45 پاتەرلى جانە ەكى 100 پاتەرلى جاڭا ۇيگە جوبالىق-سمەتالىق قۇجاتتار ازىرلەنىپ، تۇزەتۋلەر ەنگىزىلۋدە. جوبالاردىڭ جالپى قۇنى – شامامەن 4 ميلليارد تەڭگە.
«ءبىز جەكە قۇرىلىس كومپانيالارىن تارتۋدى جانە ولاردى ينفراقۇرىلىممەن قولداۋدى جوسپارلاپ وتىرمىز. رەنوۆاتسيا – بۇل جاي ۇيلەردى اۋىستىرۋ ەمەس، قالالىق ورتانى كەشەندى جاڭارتۋ، – دەپ اتاپ ءوتتى اۋدان اكىمى.جىل سوڭىنا دەيىن تاعى توعىز ينۆەستيتسيالىق نىسان ىسكە قوسىلادى. ولاردىڭ قاتارىندا: تۇرعىن ۇيلەر، كەڭسە عيماراتتارى، مونشالار، كافەلەر جانە اۋىل شارۋاشىلىعى القاپتارىن سۋارۋعا ارنالعان فەرما بار. تەك تۇرعىن ءۇي قۇرىلىسىنا عانا 200 ميلليون تەڭگەدەن استام ينۆەستيتسيا قۇيىلعان. سونداي-اق، اۋداندا جىلىجاي كەشەندەرى مەن اۋىل شارۋاشىلىعى ونىمدەرىن تەرەڭ وڭدەيتىن نىسانداردى ىسكە قوسۋ بويىنشا دايىندىق جۇمىستارى جۇرگىزىلۋدە. بۇل ماقساتقا جالپى اۋدانى 483 گەكتار بولاتىن جەر تەلىمدەرى بولىنگەن.
«ءبىز ينۆەستورلارعا تەك جەر عانا ەمەس، سونىمەن بىرگە ينفراقۇرىلىمدى، ىڭعايلى لوگيستيكانى، ەڭبەك رەسۋرستارىن جانە بارلىق دەڭگەيدەگى قولداۋدى ۇسىنىپ وتىرمىز، – دەپ قورىتىندىلادى اۋدان باسشىسى.