الماتىنىڭ ىرگەسىندەگى جاڭالىق اۋىلىنداعى ساياسي قۋعىن-سۇرگىن قۇرباندارىنا ارنالعان مەموريالعا بارىپ، ارۋاقتارعا دۇعا باعىشتاپ قايتتىم.
بۇل جەردە مەنىڭ اتام شاكىر گايسين جاتىر. الماتى وبلىسى، كەگەن اۋدانىنىڭ پروكۋرورى بولىپ تۇرعان جەرىنەن ءبىر ۇيدە تۇراتىن وراز جاندوسوۆ ەكەۋىن ءبىر كۇندە تۇتقىنداپ الىپ كەتىپ، 1938 جىلدىڭ 7 ناۋرىز كۇنى 34 جاسىندا حالىق جاۋى دەپ اتىپ تاستاپتى.
ايەلى عاينيجامال (اجەتاي دەيتىنبىز) الجيرگە 10 جىلعا سوتتالىپ كەتەدى. بالالارى دەتدومدا ءوستى.
نەگىزى، "بەسسمەرتنىي پولكتىڭ" ناعىز وتەتىن كۇنى بۇگىن! كورىڭدە وكىرگىر ءستاليننىڭ زۇلىمدىعىنان اشتىقتان ءبىر قىرىلعان، قاستىقتان ءبىر قىرىلعان قازاقتاردىڭ سۋرەتتەرىن كوتەرىپ كوشەگە شىقسا، الماتىنىڭ ءال-فارابي داڭعىلى مەن اباي كوشەسىنە حالىق سىيماي كەتەر ەدى!
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز