قىتاي قازاقستان مۇنايىنا ەداۋىر سالقىنقاباق تانىتىپ وتىر

1636
Adyrna.kz Telegram
https://adyrna.kz/content/uploads/2023/10/16219b1d-73dc-4fd9-ba37-8caf704d7ece-960x500.jpg?token=2adebb207225dd157c0dee15cda075f4

 قازاقستاننىڭ قىتايعا شيكىزات ەكسپورتى كۇرت تومەندەدى. بۇل تۋرالى LS اگەنتتىگى جازدى، دەپ حابارلايدى “ادىرنا” ۇلتتىق پورتالى.

اقپاراتقا سايكەس، وسى جىلدىڭ I توقسانىندا ەكى ەل اراسىنداعى تاۋار اينالىمى $5,9 ملرد بولدى، بۇل وتكەن جىلدىڭ قاڭتار-ناۋرىزىمەن سالىستىرعاندا 5%-عا از.

بۇل تومەندەۋ قازاقستاننان قىتايعا ەكسپورت كولەمىنىڭ 20%-عا، ياعني 3,6 ملن تونناعا دەيىن ازايۋىنان ورىن الدى. اقشالاي ماندە بۇل 21,3%-عا قىسقارىپ،$2,4 ملرد بولدى.

قىتايدىڭ قازاقستان مۇنايىنا قىزىعۋشىلىعى ازايعانى بايقالعان. كورشى ەلگە نەبارى 248,7 مىڭ توننا مۇناي جونەلتىلدى، ال 2024 جىلدىڭ I توقسانىندا بۇل كورسەتكىش 1,4 ملن توننادان اسقان ەدى.

سونىمەن قاتار، مىستىڭ ەكسپورتى 1,7 ەسەگە (51 مىڭ تونناعا دەيىن), يادرولىق رەاكتورلار (تۆەلدەر) 10,5%-عا (68 داناعا دەيىن), كەن مەن كونتسەنتراتتار 4,8%-عا (1,8 ملن تونناعا دەيىن) قىسقارعانى بايقالدى.

الايدا كەيبىر تاۋارلار بويىنشا ءوسىم بار. ماي وڭدەۋشىلەر قىتايعا 78,6 مىڭ توننا ءونىم جىبەردى، بۇل وتكەن جىلمەن سالىستىرعاندا 1,6 ەسەگە كوپ.

مايلى داقىل تۇقىمدارىنىڭ ەكسپورتى 2,1 ەسەگە (150,4 مىڭ توننا), اۋىل شارۋاشىلىعى جانۋارلارى

مەن قۇستارعا ارنالعان قۇراما جەم 3 ەسەگە (470,5 مىڭ توننا) ارتتى.

بۇعان قوسا، قىتايعا 821,3 ملن تەكشە مەتر مۇناي گازى (+2,9 ەسە), 45,6 مىڭ توننا مىرىش (+2,3 ەسە) جانە 254 مىڭ توننا فەرروقورىتپا (+13%) جونەلتىلدى.

يمپورت جاعىنان قاراما-قارسى ءۇردىس بايقالادى: فيزيكالىق كولەمى 48,4%-عا (1,2 ملن تونناعا دەيىن), ال اقشالاي ماندە 11,4%-عا ($3,4 ملرد) ءوستى.

قازاقستانعا قىتايدان اكسەسسۋارلار مەن كيىم-كەشەك – 18,1 مىڭ توننا (-19%), كومپيۋتەر مەن نوۋتبۋك – 878,4 مىڭ دانا (-23,5%), ارنايى تەحنيكا – 82,3 مىڭ دانا (-15%) اكەلىندى.

ال جەمىس پەن كوكونىس يمپورتى 2,2 ەسەگە ءوسىپ، 140 مىڭ تونناعا جەتتى.

سونداي-اق، قىتايدان قازاقستانعا پلاستماسسا جانە پلاستماسسا بۇيىمدارى – 102,1 مىڭ توننا (+1,6 ەسە), قارا مەتالدار – 159,1 مىڭ توننا (+1,6 ەسە), سورعىلار مەن جەلدەتكىشتەر – 4,5 ملن دانا (+2 ەسە), اۆتوكولىك پەن جۇك كولىگى – 22,4 مىڭ دانا (+31,6%), سمارتفون – 1,3 ملن دانا (+12,8%) جەتكىزىلدى.

پىكىرلەر