ۋكراينا پرەزيدەنتى ۆلاديمير زەلەنسكي كيەۆ رەسەيگە حالىقارالىق شەكتەۋلەردى اينالىپ وتۋگە كومەكتەسىپ جۇرگەن قۇرىلىمدار مەن دەلدالدارعا قارسى سانكتسيالىق پاكەتتەر ازىرلەپ جاتقانىن مالىمدەدى، دەپ حابارلايدى "ادىرنا" ۇلتتىق پورتالى.
ربك-ۋكراينا مالىمەتىنشە، ول بۇل تۋرالى الدىڭعى كۇنى بەينەۇندەۋىندە ايتقان.
"بۇل تۋرالى ءبىز سەرىكتەستەرىمىزبەن سويلەستىك. سەرىكتەستەرىمىز ءبىزدى ەستىگەنىنە سەنىمدىمىز. سانكتسيالىق پاكەتتەرىمىزدى ازىرلەپ جاتىرمىز. اسىرەسە، رەسەيگە كەيبىر سانكتسيالاردى اينالىپ وتۋگە كومەكتەسىپ جۇرگەن ءۇشىنشى ەلدەرگە قارسى", – دەدى زەلەنسكي.
سونداي-اق، زەلەنسكي ۋكراينا قورعانىسىن نىعايتۋدى جالعاستىرىپ جاتقانىن جانە جاقىن ارادا كيەۆ حالىقارالىق سەرىكتەستەردەن ەلەۋلى اسكەري كومەك كۇتەتىنىن، سونىمەن قاتار، سوعىس ۋاقىتىندا جانە سوعىستان كەيىنگى كەزەڭدە نەگىزگى ەلدەرمەن ىنتىماقتاستىق شەشىمدەرى قابىلداناتىنىن جەتكىزدى.
ء"بىز سوعىس كەزىندە نەگىزگى ەلدەرمەن جانە سوعىستان كەيىنگى كەزەڭدە دە ىنتىماقتاستىق تۋرالى ماڭىزدى نەگىزدەردى دايىنداپ جاتىرمىز", – دەپ ءتۇسىندىردى ول.
سونىمەن قاتار، زەلەنسكي ۋكراينا سوعىس قيمىلدارىن بىردەن توقتاتۋعا دايىن ەكەنىن ايتتى.
ء"بىز سوعىس قيمىلدارىن مۇمكىندىگىنشە تەزىرەك، ءتىپتى بۇگىننەن باستاپ توقتاتۋعا دايىنبىز. تەك ەگەر رەسەي كەمىندە 30 كۇنگە سوزىلاتىن ءۇزىلىسسىز تىنىشتىققا دايىن بولسا. بۇل – كەلەسى قادامدارعا دايىندالۋعا بولاتىن ءادىل مەرزىم. رەسەي سوعىستى توقتاتۋى، شابۋىلدارىن، اتقىلاۋلارىن دوعارۋى ءتيىس", – دەدى ول.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز