بۇگىن ۋكراينا مەن اقش اراسىنداعى شيكىزات جونىندەگى كەلىسىمگە قول قويىلعانى تۋرالى ءبىراز جازىلدى. ساراپتاپ كورسەك، جاعداي بىلاي قالىپتاسىپ وتىرعان سياقتى:
1. ەندى پرەزيدەنت د.ترامپ ءوز جاقتاستارىنا "ناتيجەنى" كورسەتىپ، ماقتانا الاتىن بولدى. بۇل اقش پرەزيدەنتىنە ىشكى ساياسات تۇرعىسىنان وتە قاجەت دۇنيە.
2. قۇجات - ۋكراينا ءۇشىن دە اسا ماڭىزدى ناتيجە. سەبەبى، اقش ۋكراينا توڭىرەگىندەگى گەوساياسي ويىندا قالاتىن بولدى. بۇعان قوسا د.ترامپ اكىمشىلىگى كيەۆكە قارۋ جەتكىزۋ تۋرالى جاڭا كەلىسمگە دە كەلىسىپتى. ونىڭ كولەمى $ 50 ملن. بۇل ۇلكەن كومەك بولماسا دا يشاراتى جاقسى. ياعني، وسى قاڭتاردان بەرى د.ترامپ ءبىرىنشى رەت كيەۆكە اسكەري كومەك كورسەتۋگە كەلىسىپ وتىر.
دەمەك، ۋكراينا بۇل جولى گەوساياسي ويىن پارتياسىن ءتيىمدى ويناپ شىقتى. جالپى، قابىلدانعان قۇجاتتىڭ مازمۇنى بۇعان دەيىن اقش تارابى ۇسىنعان ەكى جوبامەن سالىستىرعاندا ۋكراينا مۇددەسى ءۇشىن اناعۇرلىم جاقسى جانە قولايلى بولدى.
3. ەڭ باستىسى: قۇجاتتىڭ ساياسي ماڭىزى زور. سوعىس جاعدايىندا بۇل كەلىسىمدى ەشكىم تولىققاندى ىسكە اسىرا المايدى. سوندىقتان، كەلىسىم كيەۆ پەن ۋاشينگتون اراسىنداعى تۇسىنىستىكتى نىعايتۋعا سەپتىگىن تيگىزىپ وتىر. سوعىسىپ جاتقان ۋكراينا حالقىنا بۇدان ۇلكەن ماسەلە جوق ەمەس پە؟!
ءيا، كيەۆكە اقش كومەگىنىڭ ءۇزىلىپ قالماعانى كەرەك. ياعني، بۇل - ءماندى ناتيجە. قۇتتى بولسىن!
ۇقساس جاڭالىقتار