رەسەي پرەزيدەنتى ۆلاديمير پۋتين جەڭىستىڭ 80 جىلدىعىنا وراي اتىستى توقتاتۋ تۋرالى شەشىم شىعاردى. بۇل تۋرالى بۇگىن، 28 ساۋىردە كرەمل ايتتى، دەپ حابارلايدى «ادىرنا» ءتىلشىسى.
شەشىم «گۋمانيتارلىق سەبەپتەرگە بايلانىستى» قابىلدانعان.
«ۆلاديمير ءپۋتيننىڭ شەشىمىمەن 7-8 مامىر تۇنگى ساعات 22:00-دەن، 10-11 مامىر ءتۇن ورتاسىنا دەيىن اتىستى توقتاتۋ تۋرالى قاۋلى شىعارىلدى. وسى كەزەڭدە بارلىق اسكەري وپەراتسيا توقتايدى»،—دەلىنگەن حابارلامادا.
رەسەي ۋكراينانى دا وسى ۇستانىمدى قولداۋعا شاقىردى.
«ۋكراينا جاعى اتىستى توقتاتۋ رەجيمىن بۇزسا، ءتيىستى جاۋاپ بەرىلەدى»،—دەپ تولىقتىردى كرەمل.
