«تيتانيك» كەمەسى سۋعا كەتپەستەن بىرنەشە كۇن بۇرىن جازىلعان حات ۇلىبريانياداعى اۋكتسيوندا 300 000 فۋنت ستەرلينگكە (400 000 اقش دوللارى) ساتىلدى، دەپ حابارلايدى «ادىرنا» ءتىلشىسى.
ارچيبالد گرەيسي حاتىندا كەمەنى «كەرەمەت» دەپ سيپاتتاپ، بىراق ساياحاتتى اياقتاعان سوڭ عانا ءوز پىكىرىمەن تولىق بولىسەتىنىن ايتقان. حات 1912 جىلدىڭ 11 ساۋىرىندە كەمە يرلاندياداعى كۋينستاۋن پورتىنا توقتاعان كەزىندە جونەلتىلگەن، 12 ساۋىردە لوندوننىڭ پوشتالىق ءمورى باسىلعان. ال ءcاۋىردىڭ 14-ىنەن 15-نە قاراعان ءتۇنى تيتانيك ايسبەرگپەن سوقتىعىسىپ، سولتۇستىك اتلانتيكادا سۋعا كەتكەن بولاتىن. گرەيسي توڭكەرىلىپ قالعان قايىققا ءمىنىپ، امان قالعان.
حاتتى اۋكتسيونعا ارچيبالد گرەيسيدىڭ نەمەرە ءىنىسى شىعارعان. ونىڭ باستاپقى باعاسى 60 000 فۋنت ستەرلينگ بولدى، بىراق سوڭىندا ول بەس ەسە جوعارى باعاعا ساتىلدى. حاتتى ساتىپ العان ادامنىڭ اتى-ءجونى جاريالانبادى.
