اقش پرەزيدەنتى دونالد ترامپ ءۇشىنشى مەرزىمگە پرەزيدەنتتىك سايلاۋعا ءتۇسۋى مۇمكىن. بۇل تۋرالى ول NBC News-كە بەرگەن سۇحباتىندا مالىمدەدى، دەپ حابارلايدى «ادىرنا» ءتىلشىسى.
ايتۋىنشا، كوپتەگەن ادام ترامپتىڭ پرەزيدەنت بولىپ قالۋىن قالايدى.
«بىزگە ءالى ۇزاق جولدان ءوتۋ كەرەك. مەن قازىرگى ساتكە باسا نازار اۋدارىپ جاتىرمىن»،–دەدى پرەزيدەنت.
ترامپ بيلىكتە قالۋ ءۇشىن ناقتى قانداي ادىستەردى قولداناتىنىن ايتپادى، الايدا وعان مۇمكىندىك بار ەكەنىن اتاپ ءوتتى.
ەسكك سالايىق، بۇعان دەيىن امەريكالىق كونگرەسمەن ەندي وگلز اقش كونستيتۋتسياسىنا وزگەرىس ەنگىزۋدى ۇسىندى. ول ۇسىنعان تۇزەتۋگە سايكەس دونالد ترامپ ءۇشىنشى مەرزىمگە پرەزيدەنتتىك سايلاۋعا تۇسە الادى.
اقش كونستيتۋتسياسىنا سايكەس، ەشبىر ادام پرەزيدەنت لاۋازىمىنا ەكى رەتتەن ارتىق سايلانا المايدى. بۇل شارتتى ەلدىڭ ءبىرىنشى پرەزيدەنتى دجوردج ۆاشينگتون بەلگىلەگەن بولاتىن. الايدا اقش پرەزيدەنتتەرى اراسىندا زاڭدى فرانكلين رۋزۆەلت بۇزىپ، ءتورت مارتە پرەزيدەنت بولىپ سايلانعان.
