بۇگىن قاسىم-جومارت توقاەۆ بىرقاتار ەلدەرگە جاڭا ەلشىلەردى تاعايىنداۋ تۋرالى جارلىقتارعا قول قويدى، دەپ حابارلايدى "ادىرنا" ۇلتتىق پورتالى اقورداعا سىلتەمە جاساپ.
مەملەكەت باسشىسىنىڭ جارلىعىنا سايكەس اسقار جەڭىسۇلى قازاقستان رەسپۋبليكاسىنىڭ مىسىر اراب رەسپۋبليكاسىنداعى توتەنشە جانە وكىلەتتى ەلشىسى بولىپ تاعايىندالدى.
داۋلەت باتراشەۆ قازاقستان رەسپۋبليكاسىنىڭ پورتۋگاليا رەسپۋبليكاسىنداعى ەلشىسى قىزمەتىنەن بوساتىلىپ، حورۆاتيا رەسپۋبليكاسىنداعى توتەنشە جانە وكىلەتتى ەلشىسى بولىپ تاعايىندالدى.
قازاقستان رەسپۋبليكاسىنىڭ پورتۋگاليا رەسپۋبليكاسىنداعى توتەنشە جانە وكىلەتتى ەلشىسى بولىپ جان گاليەۆ تاعايىندالدى.
قازاقستاننىڭ يوردانيا حاشيميتتىك كورولدىگىندەگى ەلشىسى تالعات شالدانباي يراكتاعى جانە پالەستينا مەملەكەتىندەگى ەلشى قىزمەتىن قوسا اتقارۋشى بولىپ تاعايىندالدى.
مەملەكەت باسشىسىنىڭ جارلىقتارىنا سايكەس قايرات لاما ءشارىپ مىسىر مەن تۋنيس رەسپۋبليكاسىنداعى ەلشى قىزمەتىنەن بوساتىلسا، اقىلبەك كامالدينوۆ قازاقستان رەسپۋبليكاسىنىڭ حورۆاتيا رەسپۋبليكاسىنداعى ەلشىسى قىزمەتىنەن بوساتىلدى.
