رەسەي ۋكرايناعا جاپپاي زىمىراندىق سوققى جاسادى. باقىلاۋ ارنالارى رەسەيلىكتەر ۇشىرعان قاناتتى جانە بالليستيكالىق زىمىراندار، سونداي-اق كيەۆ جانە باسقا قالالارداعى جارىلىستار تۋرالى جازۋدا، دەپ حابارلايدى “ادىرنا” ۇلتتىق پورتالى DW سايتىنا سىلتەپ.
اقپاراتقا سايكەس، زىمىراندىق شابۋىل بۇگىن، 31 جەلتوقسان كۇنى بولعان. ۇشاقتار مەن بالليستيكالىق زىمىرانداردى قولدانۋ قاۋپىنە بايلانىستى بۇكىل ەل بويىنشا دابىل قاعىلدى. مونيتورينگ پورتالدارىنىڭ حابارلاۋىنشا، كەم دەگەندە التى رەسەيلىك تۋ-22م3 ۇشاعى اسپانعا كوتەرىلىپ، ۋكرايناعا ح-22 زىمىراندارىمەن اتقىلاعان.
ۋنيان باسىلىمىنا اۋدان اكىمشىلىگىنىڭ باسشىسى نيكولاي نوگانىڭ حابارلاۋىنشا، سۋمى وبلىسىنىڭ شوستكا قالاسىنا جاسالعان شابۋىلدان كەيىن 12 كوپقاباتتى ءۇي، ەكى وقۋ ورنى مەن الەۋمەتتىك نىساندار زارداپ شەككەن.
ۋكراينا قارۋلى كۇشتەرى رەسەيدىڭ التى ستراتەگيالىق بومبالاۋشى ۇشاعى اۋەدە جۇرگەنىن حابارلادى. ۋكراينانىڭ باقىلاۋ ارنالارى بۇل ۇشاقتاردىڭ قازىردىڭ وزىندە زىمىرانداردى اتقىلاعانىن مالىمدەدى.
ۋكراينانىڭ بارلىق اۋماعىندا اۋە شابۋىلى تۋرالى ەسكەرتۋ جاريالاندى.
