قىتايدىڭ حۋنان پروۆينتسياسى چاندە قالاسىنىڭ حالىق سوتى ءبىر توپ وقۋشىنى قاعىپ ولتىرگەن جۇرگىزۋشىگە ۇكىم شىعاردى. وعان ءولىم جازاسى كەسىلدى. بۇل تۋرالى سينحۋا اگەنتتىگى جازدى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، سوت بارىسىندا 19 قاراشا كۇنى چاندە قالاسىنىڭ دينچەن اۋدانىندا سوتتالۋشى حۋان ۆەن كولىگىمەن ءبىر توپ ادامدى قاعىپ كەتكەن. توقتاعان سوڭ، ول كولىگىن قايتا بۇرىپ، باسقا ءوتىپ بارا جاتقانداردى قاققان. سالدارىنان 30 ادام زارداپ شەكتى، ونىڭ 18-ءى مەكتەپ وقۋشىلارى.
قوعامدىق قاۋىپسىزدىككە قاتەر ءتوندىردى دەگەن ايىپپەن جۇرگىزۋشى ءولىم جازاسىنا كەسىلىپ، ەكى جىلعا باس بوستاندىعىنان ايىرىلدى جانە ءومىر بويىنا ساياسي قۇقىنان ايىرىلدى.
ونىڭ بۇل قىلمىستى جاساۋىنا ينۆەستيتسيالىق شىعىندارى مەن وتباسىلىق جانجال سەبەپ بولعان.
ايتا كەتەيىك، اعىمداعى جىلدىڭ 11 قاراشاسىندا قىتايدىڭ وڭتۇستىگىندەگى گۋاندۋن پروۆينتسياسى چجۋحاي قالاسىنداعى سپورت ورتالىعىنىڭ اۋماعىندا كولىك ءبىر توپ ادامدى قاعىپ كەتۋى سالدارىنان 35 ادام قازا تاۋىپ، 43-ءى جاراقات العان بولاتىن.
