اسكەري عىلىمدار اكادەمياسىنىڭ پرەزيدەنتى مۇحتار سەركپاەۆتىڭ بيلىكتى سىناعان ۆيدەوسى جەلىدە تارادى، دەپ حابارلايدى “ادىرنا” ۇلتتىق پورتالى.
ۆيدەودا مۇحتار سەركپاەۆ قازاقستاننىڭ رەسەيگە تولىقتاي تاۋەلدى بولۋ قاۋىپى بارىن ايتادى.
«حالىق اراسىندا ەلدىڭ ساتىلىپ جاتقاندىعى تۋرالى پىكىر تارالۋدا. بۇل ۋران كەنىشتەرى مەن التىن شاحتالارىن، ەنەرگەتيكالىق قۇرىلىمدار مەن اتوم ەلەكتر ستانتسيالارىن رەسەيگە ساتۋ ماسەلەلەرىنە بايلانىستى ايتىلىپ جاتىر. ناتيجەسىندە قازاقستاننىڭ تولىقتاي رەسەيگە تاۋەلدى بولۋى مۇمكىن دەگەن قاۋىپ بار. بۇل جاعداي ەلدىڭ ەكونوميكالىق تۇتاستىعى مەن تاۋەلسىزدىگىنە قاۋىپ توندىرەدى. ءبىز ءوز جەرىمىزدە، ءوز ەلىمىزدە پالەستينا سياقتى بولۋىمىز مۇمكىن. سوندىقتان، بيلىك باسىنداعىلار بۇل ماسەلەنى تەرەڭنەن ويلاپ، حالىقتىڭ كوڭىل-كۇيىن ەسكەرۋى كەرەك. سەبەبى، اسكەري قىزمەتكەرلەر مەن قاۋىپسىزدىك ورگاندارىنىڭ اراسىندا نارازىلىق كوپ. حالىقتىڭ جاعدايىن جاقسارتۋ ءۇشىن قابىلدانعان مىندەتتەمەلەردى ورىنداۋ، حالىقتىڭ ءال-اۋقاتىن قامتاماسىز ەتۋ ماڭىزدى. قازىرگى ۋاقىتتا ءتۇرلى ارنالاردا بۇرىنعى مينيسترلەر مەن اكىمدەردىڭ حالىققا جاقسى ۇسىنىستار ايتاتىنى دا بايقالۋدا»، - دەيدى مۇحتار سەركپاەۆ ۆيدەودا.
ايتا كەتەيىك، مۇحتار سەركپاەۆ - اسكەري عىلىمدار بويىنشا ماماندانعان پروفەسسور، قازاقستان رەسپۋبليكاسى جانە رەسەي فەدەراتسياسى عىلىم اكادەمياسىنىڭ تولىق مۇشەسى، رەسەي فەدەراتسياسى اسكەري عىلىمدار اكادەمياسىنىڭ ا.سۆەچين اتىنداعى جانە 21 عاسىر قاۋىپسىزدىگى سىيلىعىنىڭ لاۋرەاتى.
