استانادا «نازارباەۆ زياتكەرلىك مەكتەپتەرى» دببۇ پەداگوگيكالىق شەبەرلىك ورتالىعى «جاس ۇستاز: تابىسقا اپارار جول» III رەسپۋبليكالىق فورۋمىن وتكىزدى. ەلىمىزدىڭ تۇكپىر-تۇكپىرىندەگى اۋىل مەكتەپتەرىندە قىزمەت ەتەتىن 300-دەن استام جاس پەداگوگ بىرەگەي الاڭدا باس قوستى.
مۇعالىم – ەلىمىزدەگى رەسمي مارتەبەسى بەلگىلەنگەن جالعىز ماماندىق، ول مۇعالىمنىڭ ەرەكشە ميسسياسىن راستايدى، – دەپ اتاپ ءوتتى فورۋمنىڭ اشىلۋىندا وقۋ-اعارتۋ ءبىرىنشى ۆيتسە-ءمينيسترى ناتاليا جۇمادىلداەۆا.
«نازارباەۆ زياتكەرلىك مەكتەپتەرى» دببۇ باسقارما توراعاسى ءانۋار جانعوزين «جاس ۇستاز» فورۋمىن NIS-ءتىڭ ەڭ ۇزدىك داستۇرلەرىنىڭ بىرىنە اينالعانىن ەرەكشە اتاپ ءوتتى.
بالا كىمدى جاقسى كورسە، سودان ۇيرەنەدى. سىنىپقا كىرگەندە، الدارىڭىزدا قازاقستاننىڭ بولاشاعى تۇرعانىن ۇنەمى ەستە ساقتاڭىزدار، – دەدى ESEN Foundation جانە ANSA قورلارى كونسورتسيۋمىنىڭ وكىلى كاميلا باشاروۆا.
«ءار ساباقتى قالاي ەرەكشە ەتۋگە بولادى: مەنىڭ تاجىريبەم» جانە⠀«EDUNEXT: بولاشاقتاعى تسيفرلىق ءبىلىم» شەبەرلىك ساعاتتارىن العاش رەت فورۋم قاتىسۋشىلارى وزدەرى جۇرگىزىپ، تاجىريبە ءبولىستى.
سونداي-اق شارا بارىسىندا «قاناتتىلار» ينكليۋزيۆتى تەاترىنىڭ نەگىزىن قالاۋشى ءارى كوركەمدىك جەتەكشىسى ارنۇر ىسقاقوۆ، شىعىس قازاقستان وبلىسى قۇلىنجون اۋىلىنداعى «مەكتەپ-بوبەكجاي-بالاباقشا كەشەنىنىڭ» ديرەكتورى ارالبەك بەرىكۇلى، دۋشانبەلىك مەكتەپتىڭ باس ديرەكتورى مەحرون ورتيكوۆ، «ايچۋرەك» بىشكەك كىزدار ليتسەيىنىڭ ديرەكتورى ەرلان ساتاروۆ، NIS تۇلەگى ءارى ءبىلىم بەرۋ ساراپشىسى لاۋرا ۆايگوروۆا موتيۆاتور-كوشباسشى رەتىندە جەتىستىك قۇپيالارىن ورتاعا سالدى.
ال وقۋ-اعارتۋ ءمينيسترى عاني بەيسەمباەۆپەن وتكەن اشىق اڭگىمە ءۇشىنشى رەسپۋبليكالىق فورۋمنىڭ ەڭ جارقىن ساتىنە اينالدى. ەلىمىزدىڭ باس مۇعالىمىنىڭ سويلەگەن ءسوزىنىڭ بارلىعىن «جاس ۇستاز» دەلەگاتتارى ءتۇرتىپ الدى.
Ted Talks الاڭىندا الەۋمەتتىك يننوۆاتورلار قاۋىمداستىعىنىڭ پرەزيدەنتى ەمين اسكەروۆ جارتى ساعات ىشىندە فورۋمنىڭ ءاربىر قاتىسۋشىسىن جەڭىسكە جەتۋگە ىنتالاندىردى. ەمين اسكەروۆتىڭ بىرەگەيلىگى – ول قازاقستاندا الەۋمەتتىك كاسىپكەرلىكتى جۇزەگە اسىرىپ، مۇمكىندىگى شەكتەۋلى جاندارمەن جانە قيىن ومىرلىك جاعدايعا ۇشىراعان ادامدارمەن ءتيىمدى بيزنەس جۇرگىزۋدىڭ قىر-سىرىن مەڭگەرگەن.ناچالو فورمىكونەتس فورمى
«اۋىل مەكتەبىن دامىتۋداعى mainstream»، «مەن – ەمپات مۇعالىممىن: وقۋ ءساتتى بولعاندا»، «جاساندى ينتەللەكت: جاڭا داۋىرگە جول اشامىز» شەبەرلىك ساعاتتارى مەن ترەنينگتەرىنىڭ اتاۋلارىنىڭ ءوزى-اق ۇستازداردىڭ جوعارى موتيۆاتسياسىن جانە پەداگوگيكالىق جولدارىنىڭ باسىندا-اق تەك تابىسقا جەتۋدى كوزدەيتىن مۇعالىمدەردىڭ جارقىن ىنتاسىن ايقىنداپ تۇر.
«جاس ۇستاز: تابىسقا اپارار جول» رەسپۋبليكالىق فورۋمۋ ESEN Foundation جانە ANSA قورلارى كونتسورتسيۋمى قولداۋىمەن ۇيىمداستىرىلدى.
