“ادىرنا” ۇلتتىق پورتالىنىڭ يۋتۋب ارناسىندا كەزەكتى وي-تالقى جاريالاندى. سۇحباتتىڭ قوناعى - جۇلدىز سۇلەيمەنوۆا.
ءماجىلىس دەپۋتاتى جۇلدىز سۇيلەيمەنوۆا ايەلدەر قۇقىعى جانە بالالار قاۋىپسىزدىگى تۋرالى زاڭنىڭ ۇڭعىل-شۇڭعىلىن تۇسىندىرەدى. وسى زاڭ قابىلدانعاندا ايەلدەر ماسەلەسىنە قاتىستى داۋ-داماي ورىستەگەن. وتباسى جانە قوعامداعى اكەنىڭ جاۋاپكەرشىلىگى، انانىڭ مىندەتى جانە بالا تاربيەسى مەملەكەت ەرتەڭىنىڭ ىرگەتاسى. الايدا سوڭعى كەزدە ءجيى كوزگە شالىناتىن وتباسىداعى سوراقى زورلىق، زومبىلىقتى جۇگەندەۋ وعان قاتىستى ماسەلەنىڭ اشىق تالقىلانۋىن جانە سوعان ساي جاۋاپكەرشىلىكتى تالاپ ەتەدى. دەپۋتات وسى ماسەلەگە جالعاس الداعى ۋاقىتتا قابىلدانباق حاراسسمەنتكە قاتىستى زاڭ جوباسى جايىندا دا حاباردار ەتەدى. وسىنداي زاڭدار ارقىلى قوعامداعى ستەرەوتيپتەردى بۇزىپ، قۇقىقتى قالىپقا كەلتىرۋ، ادىلەتتى تالاپ ەتۋ ءۇشىن ازاماتتاردىڭ بەلسەندى بولۋى جايلى ايتىلادى.
