تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسۇلان ماديەۆ +997 تەلەفون كودىنا بايلانىستى سۇراققا جاۋاپ بەردى، دەپ حابارلايدى Adyrna.kz ۇلتتىق پورتالى.
ارىپتەستەردىڭ ءبىرى “بۇعان دەيىن +7 تەلەفون كودىنان 997 كودىنا اۋىسۋ باستاماسى كوتەرىلگەن بولاتىن. كەيىن +7 قالا بەرەتىنىمىز بەلگىلى بولدى. تەلەفون كودىنا اۋىستىرۋعا بايلانىستى جۇمىس نەگە توقتاپ قالدى؟” دەپ سۇرادى.
ء“بىز +7 قولدانعان ادامدارعا ىڭعايلى دەپ ويلايمىز. تەلەفونداعى نومىرلەرىن، كونتاكتىلارىن اۋىستىرماۋ ءۇشىن +7 ىڭعايلى دەپ ويلايمىز”، - دەدى مينيستر.
سونداي-اق مينيسترگە “+997 ورناتۋ ءۇشىن دە قانشاما قاراجات كەتتى؟” دەگەن سۇراق قويىلدى.
“قانشا قاراجات كەتكەنىن ايتا المايمىن. اناليز، كونسۋلتاتسيا بويىنشا +7 حالىققا دۇرىس دەپ ويلايمىز” دەدى ول.
ءجۋرناليستىڭ “بۇرىنعى سوۆەت ۇكىمەتىنە مۇشە رەسەي مەن قازاقستاننان باسقا مەملەكەتتەردىڭ ءبارى +7 كودىن اۋىستىرعان ەكەن. ال ءسىز +7 قولدانعانعا ىڭعايلى دەپ وتىرسىز. بىزگە تەلەفون تەرگەندە ىڭعايلى ەكەن دەپ +7-دە قالعان ماڭىزدى ما، جوق الدە ۇلتتىق قاۋىپسىزدىك ماڭىزدى ما؟” دەگەن سۇراعىنا مينيستر
“ۇلتتىق قاۋىپسىزدىككە بايلانىستى مالىمەت بەرە المايمىن. مەنىڭشە قازىر قاۋىپسىزدىك جاعىنان الاڭداۋعا نەگىز جوق” دەپ جاۋاپ بەردى.
