وسىدان 90 جىل بۇرىن ياعني 1934 جىلى 12-20 ماۋسىم ارالىعىندا قازاقستان كەڭەس جازۋشىلارىنىڭ ءى سەزى ءوتتى، دەپ جازادى “ادىرنا” ۇلتتىق پورتالى.
قازاقستان جازۋشىلار وداعى بۇل العاشقى سەزگە 1932 جىلدان باستاپ دايىندالدى. ۇيىمداستىرۋ بيۋروسىنىڭ توراعالىعىنا ءىلياس جانسۇگىروۆ تاعايىندالدى.
1935 جىلى وداقتىڭ توراعاسى بولىپ ادەبيەت سىنشىسى، قوعام قايراتكەرى عابباس توعجانوۆ، كەيىن ءسابيت مۇقانوۆ تاعايىندالدى.
قازاقستان جازۋشىلار وداعى العاشىندا يدەولوگيالىق قارۋ رەتىندە قۇرىلعانىمەن، ساكەن، ءىلياس، بەيىمبەت باستاعان ارىستار ۇيىم جۇمىسىن ۇلت ادەبيەتىنە، تۇتاس حالىقتىڭ مۇددەسىنە قاراي باعىتتاي ءبىلدى.
ەل تاعدىرى، جەر تاعدىرى قىل ۇستىندە تۇرعان كەزدە ومىرگە كەلگەن قازاقستان جازۋشىلار وداعى اۋىز ادەبيەتىنەن تامىر تارتقان، اباي پوەزياسىنان باستاۋ العان جازبا ادەبيەتىمىزدىڭ باي مۇراسىن جيناۋ، دامىتۋ مەن قورعاۋ جانە ونى كەڭىنەن ناسيحاتتاۋدى قولعا الدى.
