قىرعىزستاندا جەڭىس كۇنى ءداستۇرلى تۇردە وتەتىن «ماڭگىلىك پولك» مەموريالدىق شەرۋى بولمايتىن بولدى. ازاماتتاردىڭ قاۋىپسىزدىگىن قامتاماسىز ەتۋ ءۇشىن شەرۋ توقتاتىلدى. بۇل تۋرالى قىرعىزستاننىڭ ىشكى ىستەر مينيسترلىگىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
بۇل شەشىم قوعامدىق ءتارتىپتى بۇزۋعا جول بەرمەۋ ءۇشىن قابىلدانعان.
“بيلىك زاڭ بۇزۋ قاۋپىن ازايتۋ ءۇشىن بارلىق مۇمكىن شارالاردى قولدانۋدى جوسپارلاپ وتىر. ىشكى ىستەر مينيسترلىگىنىڭ باسشىلىعى ەل تۇرعىندارىن بۇل شەشىمدى تۇسىنىستىكپەن جانە توزىمدىلىكپەن قابىلداۋعا شاقىرادى” دەلىنگەن اقپاراتتا.
بۇعان دەيىن «ولمەيتىن پولك» اكتسياسى قىرعىزستاننىڭ التى ەلدى مەكەنىندە، سونىڭ ىشىندە بىشكەكتە وتەدى دەپ جوسپارلانعان. اكتسيانىڭ ەلورداداعى ۇيلەستىرۋشىسى زۋلفيرا حايبۋللينا باستى ورىندار رەتىندە جالال-اباد، قارا-بالتا جانە وش قالالارى، سونداي-اق ەكى اۋىل – لەنينسكوە جانە يۆانوۆكا بولۋى ءتيىس ەكەنىن حابارلادى. سونداي-اق اكتسيانى ۇيىمداستىرۋشىلار ازاماتتاردى ءوز قالالارى مەن اۋىلدارىندا شەرۋلەردى ءوز بەتىنشە ۇيىمداستىرۋعا شاقىردى.
