بيىل ەلوردادا ناۋرىزدى مەرەكەلەۋ قالانىڭ بەس اۋدانىنداعى بارلىق اشىق الاڭداردا، سونىڭ ىشىندە تۇرعىن الاپتاردا وتكىزىلەدى. مەرەكە كۇندەرى 21-23 ناۋرىزدا قالانىڭ باستى الاڭدارىندا حالىقتىق مەرەكەلەر وتەدى، دەپ حابارلايدى “ادىرنا” ۇلتتىق پورتالى استانا اكىمدىگىنىڭ رەسمي سايتىنا سىلتەپ.
ماسەلەن، ەلوردانىڭ ورتالىق الاڭىندا، قازاق ەلى مەن بايتەرەك مونۋمەنتتەرىنىڭ جانىندا، استانالىق ساياباق اۋماعىندا جانە EXPO الاڭىندا تاڭەرتەڭنەن باستاپ مەرەكەلىك مۋزىكا شىرقالادى، ءداستۇرلى تاعامدار دايىندالادى، ۇلتتىق سپورت تۇرلەرى بويىنشا جارىستار وتەدى، جەڭىمپازدار ءۇشىن باعالى سىيلىقتار مەن ەستەلىك سىيلىقتار كوزدەلگەن. قاتىسۋشىلار گىر كوتەرۋ، ارمرەستلينگ، ارقان تارتۋ، اسىق اتۋ، قازاق كۇرەسى، كوي كوتەرۋ جانە ت.ب. جارىسادى.
بارلىق بەس نۇكتەدە كيىز ۇيلەر ورناتىلدى، وندا جارمەڭكەلەر ءوتىپ، سونداي-اق قازاقتىڭ ۇلتتىق تاعامدارى قويىلادى. الاڭداردا قازاقستاندىق ەسترادا جۇلدىزدارى، قالالىق ۇجىمدار ونەر كورسەتەدى. ولاردىڭ قاتارىندا ۇلىقپان جولداسوۆ، "زامان" توبى، ادىلەت جاۋعاشار، اۋكا، بەيبىت قورعان، قانات ۇمبەتوۆ، اباي بەگەي، الىشەر كارىموۆ جانە باسقالارى بار.
اشىق الاڭدا ءتۇرلى-ءتۇستى فوتوايماقتار، التىباقاندار ۇيىمداستىرىلدى.
21-22 ناۋرىز كۇندەرى ساعات 12:00-دەن باستاپ اۋدان اكىمدىكتەرىمەن بىرلەسىپ الماتى اۋدانىنىڭ 12 تۇرعىن الابىندا جانە بايقوڭىر اۋدانىنىڭ 8 تۇرعىن الابىندا، سارىارقا اۋدانىنىڭ 4 الاڭىندا، ەسىل اۋدانىنىڭ 4 الاڭىندا، سونداي-اق نۇرا اۋدانىنىڭ 4 الاڭىندا مەرەكەلىك ءىس-شارالار وتەدى.
21 ناۋرىز كۇنى ساعات 13.00-دەن باستاپ ەحرو حالىقارالىق كورمە ورتالىعىنىڭ اۋماعىندا "ناۋرىز بازارى" شىعىس جارمەڭكەسى جۇمىسىن باستايدى. جارمەڭكەگە كەلۋشىلەر ەتنوستيل كيىمدەرىن، زەرگەرلىك بۇيىمداردى، كەراميكادان، مەتالدان، كيىزدەن، جىبەكتەن جاسالعان قولدان جاسالعان بۇيىمداردى، ءتۇرلى كادەسىيلاردى ساتىپ الا الادى. ءارتۇرلى ەلدەردەن شارۋا قوجالىقتارى مەن تاۋار وندىرۋشىلەردىڭ ونىمدەرى قول جەتىمدى بولادى. جارمەڭكە 21 ناۋرىزدا ساعات 13.00-دەن 18.00-گە دەيىن، 22 جانە 23 ناۋرىزدا 09.00-دەن 18.00-گە دەيىن جۇمىس ىستەيدى.
مەرەكەنى ۇيىمداستىرۋعا تۇرعىندار دا قاتىسادى. سونىمەن قاتار پيك-تەر مەرەكەنى تۇرعىن ءۇي كەشەندەرىنىڭ اۋلالارىندا اتاپ وتەدى.
ايتا كەتەيىك، بيىلدان باستاپ قازاقستاندا ناۋرىز 10 كۇن اتالىپ وتەدى. ناۋرىزنامنىڭ ونكۇندىگىنىڭ ءار كۇنىنىڭ ءوز ءمانى بار، ول مەيىرىمدىلىكتى، رۋحانيلىقتى، ىنتىماقتاستىقتى، جاسامپازدىقتى، جاڭارۋدى بەينەلەيدى.
