ەلىمىزدە اتالىپ ءوتىپ جاتقان ناۋرىزناما ون كۇندىگىنە سايكەس، 20 ناۋرىز –ۇلتتىق سپورت كۇنى.
بۇل كۇنى باتىس قازاقستان وبلىسىندا «ۇلتتىق سپورت» كۇنىنە ارنالعان ساداق اتۋ جانە اۋدارىسپاق سپورتى بويىنشا قالا تۇرعىندارى مەن اۋەسقويلار اراسىندا جارىس ءوتتى.
ءىس-شاراعا باتىس قازاقستان وبلىسىنىڭ اكىمى ناريمان تورەعاليەۆ قاتىسىپ، جينالعانداردى ناۋرىز مەرەكەسىمەن قۇتتىقتادى.
«مەملەكەت باسشىسىنىڭ باستاماسىمەن بيىل ەلىمىزدە ناۋرىز مەرەكەسى ناۋرىزناما اتاۋىمەن جاڭا فورماتتا تويلانۋدا. ناۋرىزنامانىڭ ءار كۇنى ۇلتتىق قۇندىلىقتارىمىزدى ناسيحاتتاۋعا باعىتتالعان. بۇگىن مىنە ۇلتتىق سپورت كۇنى. بۇل كۇنى ۇلتتىق سپورت تۇرلەرىنەن وتەتىن سايىستا باس قوسىپ وتىرمىز.
وبلىسىمىزدا ءوتىپ جاتقان سايىستاردىڭ ماقساتى– اتا- بابالارىمىزدان جەتكەن، ۇلتىمىزدىڭ قايتالانباس ەرەكشەلىگىن كورسەتەتىن ۇلتتىق سپورت تۇرلەرىن كەڭىنەن ناسيحاتتاپ، كەيىنگى ۇرپاققا جەتكىزۋ»- دەدى وبلىس اكىمى.
بۇدان كەيىن ءوڭىر باسشىسى جينالعاندار الدىندا ساداق اتۋدى باستاپ بەردى.
ساداق اتۋ جانە اۋدارىسپاق سپورتى بويىنشا وتكەن باسەكەگە جاستار جانە قالا تۇرعىندارى قاتىستى.
جالپى ناۋرىز قارساڭىندا ۇلتتىق سپورت كۇنى باتىس قازاقستان وبلىسىندا كەڭىنەن اتالىپ ءوتتى.
جالپى ناۋرىز قارساڭىندا ۇلتتىق سپورت كۇنى باتىس قازاقستان وبلىسىندا كەڭىنەن اتالىپ ءوتتى.
