Fitch حالىقارالىق رەيتينگ اگەنتتىگى قازاقستاننىڭ ەكونوميكالىق ساياساتىنا قاتىستى بولجامدار جاساپ، كەلەشەكتەگى كورىنىسىنە باعا بەردى. سونىمەن قاتار، ەلىمىزدىڭ تاۋەلسىز كرەديتتىك رەيتينگى BBB دەڭگەيىندە ەكەنىن راستادى. بۇل تۇراقتى دامىۋدى بىلدىرەتىن كورسەتكىش. بۇل جايلى "ادىرنا" ۇلتتىق پورتالى حابارلايدى.
Cاراپشىلاردىڭ سوزىنە سەنسەك، قازاقستاننىڭ رەيتينگتەگى ورنىن شەگەندەپ تۇرعان باستى كورسەتكىش - اكتيۆ قورلارى. اكتيۆ قورلارى قارجىلىق تەڭگەرىمدى ورنىقتى ۇستاپ تۇرۋ مەن بيۋدجەتتىك قارجىلاندىرۋعا وڭ اسەر ەتەدى. ناتيجەسىندە، ەكونوميكالىق تۇراقتىلىقتى ۇستاپ تۇرۋعا نەگىز بار.
- ساراپشىلار قازىرگى شوتتىڭ ءپروفيتسيتى 3,4%-عا جاقسارعانا وراي ەكونوميكالىق ورلەۋ 2024 جىلعا دەيىن ساقتالادى دەپ وتىر. ەل مۇنداي جاقسى كورسەتكىشكە كەيىنگى 11 جىلدا جەتىپ وتىر. ولاردىڭ پىكىرىنشە، بۇل قازاقستاننىڭ سىرتقى بالانسىن ودان ءارى نىعايتۋعا ىقپال ەتپەك.
سونىمەن قاتار، Fitch قازاقستان ەكونوميكاسى 2023 جىلى 4,5%-عا دەيىن جانە 2024 جىلى 4,8%-عا دەيىن وسەدى دەپ بولجاپ وتىر.
"ادىرنا" ۇلتتىق پورتالى
