2024 جىلى الماتىنىڭ بۇرىنعى اكىمى، قازىرگى پرەزيدەنت اكىمشىلىگىنىڭ باسشىسىنىڭ ورىنباسارى ەربولات دوساەۆتىڭ ايەلى قىرۋار تابىس تاپقان، دەپ حابارلايدى "ادىرنا" ۇلتتىق پورتالى.
دوساەۆ ءبىر جىلدا 14 ميلليون تەڭگە تاپسا، ونىڭ جۇبايى گۇلنار دوساەۆا 2,3 ميلليارد تەڭگە تابىس تاپقان. گۇلنار دوساەۆانىڭ تابىسى ەربولات دوساەۆتىڭ كىرىسىنەن 165 ەسە كوپ.
2025 جىلدىڭ قىركۇيەگىنە دەيىن الماتى قالاسىن باسقارعان ەربولات دوساەۆ 2024 جىلى «سامۇرىق-قازىنا» ديرەكتورلار كەڭەسىنە دە قوسىلعان.
ودان بولەك، جەلىدە ۇلتتىق ەكونوميكا ءمينيسترى جانە ۆيتسە-پرەمەر سەرىك جۇمانعاريننىڭ جۇبايىنىڭ 88 ميلليون تەڭگە تابىس تاپقانى قىزۋ تالقىعا تۇسكەن.
بۇل مالىمەتتەر پرەزيدەنت اكىمشىلىگى قىزمەتكەرلەرىنىڭ 2024 جىلعى كىرىس دەكلاراتسيالارىنان الىنعان.
ۇقساس جاڭالىقتار
