پوليتسيا اۋەجاي اۋماعىندا بەيتانىس ادامداردىڭ سومكەسىن نەمەسە سالەمدەمەسىن الىپ جۇرۋگە كەلىسۋ اۋىر سالدارعا اكەلۋى مۇمكىن ەكەنىن ەسكەرتتى، دەپ حابارلايدى "ادىرنا" ۇلتتىق پورتالى قازاقپاراتقا سىلتەپ.
اباي وبلىستىق پوليتسيا دەپارتامەنتىنىڭ مالىمەتىنشە، مۇنداي سالەمدەمەلەردىڭ ىشىندە ەسىرتكى زاتتارى، قارۋ-جاراق، وق-ءدارى، جارىلعىش زاتتار، قىلمىستىق جولمەن الىنعان اقشا نەمەسە باسقا دا تىيىم سالىنعان زاتتار بولۋى ىقتيمال. قۇقىق قورعاۋ ورگاندارى «تەك جەتكىزىپ بەردىم» دەگەن ءۋاجدىڭ قىلمىستىق جاۋاپكەرشىلىكتەن بوساتپايتىنىن اتاپ ءوتتى.
پوليتسيا وكىلدەرىنىڭ ايتۋىنشا، «5 مينۋت ۇستاي تۇرساڭىز»، «اۋەجايعا دەيىن جەتكىزىپ بەرسەڭىز»، «اقىسىن تولەيمىن»، «ەشتەڭە سۇراماڭىز» سياقتى وتىنىشتەر — اسا قاۋىپتى بەلگى.
"بەيتانىس ادامنىڭ سومكەسىن نەمەسە سالەمدەمەسىن ەشقاشان قابىلداماڭىز جانە تاسىمالداماڭىز. ەگەر اقشا ۇسىنىلسا، بىردەن باس تارتىڭىز. مۇمكىندىگىنشە كۇماندى ادامنىڭ كولىك ءنومىرىن، سىرتقى بەينەسىن ەستە ساقتاڭىز. قىسىم كورسەتىلسە نەمەسە كۇدىك تۋىنداسا، دەرەۋ 102 نومىرىنە حابارلاسىڭىز", — دەلىنگەن پوليتسيا حابارلاماسىندا.
