قىستا قولايسىز اۋا رايىنا بايلانىستى رەسپۋبليكالىق جانە وبلىستىق ماڭىزى بار جولداردىڭ قاۋىپتى ۋچاسكەلەرى ءجيى جابىلادى. مۇنداي كەزدە اتالعان جولدارمەن جۇرۋگە ۋاقىتشا تىيىم سالىنادى. اۋا رايى تالاپتارىن ەلەمەي، ءتارتىپ بۇزعان جۇرگىزۋشىلەرگە ارنايى شارا قولدىلادى، دەپ حابارلايدى «ادىرنا» ءتىلشىسى Qazaqstan Media ماتەريالىنا سىلتەمە جاساپ.
جولدى جابۋدىڭ باستى ماقساتى – جۇرگىزۋشىلەر مەن جولاۋشىلاردىڭ قاۋىپسىزدىگىن قامتاماسىز ەتۋ.
قولايسىز اۋا رايىندا جابىلعان جولعا شىعۋ قر اقبتك-ءنىڭ 667-بابى («زاڭدى تالاپقا باعىنباۋ») بويىنشا 120 مىڭ تەڭگەگە دەيىنگى ايىپپۇل نەمەسە 15 تاۋلىككە دەيىن اكىمشىلىك قاماۋعا الۋ جازاسىن قاراستىرادى. جىل ىشىندە قايتالانعان قۇقىقبۇزۋشىلىق ءۇشىن 15–20 تاۋلىككە قاماۋعا الۋ كوزدەلگەن.
الايدا كەي ساناتتاعى ازاماتتارعا اكىمشىلىك قاماۋ قولدانىلمايدى. بىراق بۇل جاعدايدا جۇرگىزۋشىگە ايىپپۇل بىرنەشە ەسە ارتادى. ول 196 600 تەڭگەءنى قۇرايدى. قاماۋعا الىنبايتىن تۇلعالاردىڭ اراسىندا جۇكتى ايەلدەر، 14 جاسقا دەيىنگى بالالارى بار ايەلدەر جانە ەرلەر، كامەلەتكە تولماعاندار، I جانە II توپتاعى مۇگەدەكتىگى بار ازاماتتار، 58 جاستان اسقان ايەلدەر مەن 63 جاستان اسقان ەرلەر بار.
جولدىڭ جابىلۋى تۋرالى شەشىمدى «قازاۆتوجول» قابىلدايدى. ال ءىىم مەن تجم ماماندارى جولدى جابۋعا جانە قاۋىپسىزدىكتى قامتاماسىز ەتۋگە كومەكتەسەدى.
