قازاقستان ۇكىمەتى ينفلياتسيا دەڭگەيى تۇراقتانعانعا دەيىن اي-92 ماركالى بەنزين مەن ديزەل وتىنىنىڭ باعاسىن كوتەرۋگە موراتوري ەنگىزدى، دەپ حابارلايدى "ادىرنا" ۇلتتىق پورتالى.
بۇل شەشىم مەملەكەت باسشىسىنىڭ ازاماتتار مۇددەسى ءۇشىن ەكونوميكالىق رەفورمالار باعدارلاماسىن جۇزەگە اسىرۋ جونىندەگى تاپسىرماسىنا سايكەس قابىلداندى. پرەمەر-ءمينيستردىڭ توراعالىعىمەن وتكەن كەڭەستە ۇكىمەت مۇشەلەرى، مەملەكەتتىك ورگاندار مەن ۇيىمدار باسشىلارى ءوزارا تالقىلاۋلار جۇرگىزدى.
قابىلدانعان شەشىمدەرگە سايكەس، ەنەرگەتيكا مينيسترلىگى، باسەكەلەستىكتى قورعاۋ جانە دامىتۋ اگەنتتىگى جانە ءوڭىر اكىمدىكتەرى بىرلەسىپ ىشكى نارىقتى جانارمايمەن ۇزدىكسىز قامتاماسىز ەتۋگە جانە ءتيىستى قاداعالاۋ جۇرگىزۋگە مىندەتتەلدى.
كوممۋنالدىق قىزمەت تاريفتەرى دە 16 قازاننان باستاپ 2026 جىلدىڭ ءى توقسانىنىڭ سوڭىنا دەيىن وسپەيتىن بولدى.
ۇكىمەتتىڭ بۇل شارالارى حالىقتى قولداۋ جانە ەكونوميكالىق تۇراقتىلىقتى ساقتاۋ ماقساتىندا قابىلدانعانى حابارلاندى.
