قازاقستان مۇسىلماندارى ءدىني باسقارماسى نيقاب كيۋگە قارسى قابىلدانعان زاڭعا قاتىستى مالىمدەمە جاسادى، دەپ حابارلايدى «ادىرنا» ءتىلشىسى.
ءمۇفتيات بۇل شەشىمنىڭ ءدىني سەنىمگە ەمەس، قوعامدىق قاۋىپسىزدىكتى قامتاماسىز ەتۋ قاجەتتىلىگىنە بايلانىستى قابىلدانعانىن اتاپ ءوتتى.
«بۇل شەشىم قانداي دا ءبىر ءدىني سەنىمدى نەمەسە جەكە تاڭداۋدى شەكتەۋ ءۇشىن ەمەس، ەڭ الدىمەن، قوعامدىق قاۋىپسىزدىكتى قامتاماسىز ەتۋ قاجەتتىلىگىنەن تۋىنداپ وتىر. قازىرگى تاڭدا الەمنىڭ كوپتەگەن ەلدەرى، ونىڭ ىشىندە مۇسىلمان ەلدەرى دە قاۋىپسىزدىك ماقساتىندا وسىنداي ۇستانىمدى قابىلداۋدا. قۇران اياتتارى مەن حاديستە ايەل كىسىلەر بەت-ءجۇزىن جابۋعا نەمەسە بۇركەمەلەۋگە مىندەتتەلمەگەن. بۇل حالقىمىزدىڭ داستۇرىندە دە
ايتۋلارىنشا، يسلام ءدىنى مەملەكەتتىڭ تىنىشتىعىنا ۇلەس قوسۋدى ناسيحاتتايدى.
ء«بىز ەلىمىزدەگى مۇسىلمانداردىڭ ءبىرتۇتاس ءدىني بىرلەستىگى رەتىندە، قوعامداعى تۇراقتىلىق، ىنتىماق پەن بىرلىكتى باستى قۇندىلىقتارىمىزدىڭ ءبىرى دەپ باعالايمىز. يسلام ءدىنى دە قوعاممەن جاراسىمدى ءومىر ءسۇرۋدى، تارتىپكە باعىنىپ، مەملەكەتتىڭ تىنىشتىعىنا ۇلەس قوسۋدى ناسيحاتتايدى. سوندىقتان دا زاڭعا تۇسىنىستىكپەن قاراپ، ورتاق يگىلىك جولىندا بىرلىگىمىزدى بەكەمدەيىك»،—دەلىنگەن حابارلامادا.
ەسكە سالايىق، 30 ماۋسىمدا پرەزيدەنت قاسىم-جومارت توقاەۆ قوعامدىق ورىنداردا ازاماتتاردىڭ بەت-ءجۇزىن تولىق جابۋعا تىيىم سالاتىن زاڭعا قول قويعان بولاتىن.
