تارازدىق ۆالەنتينا پروسكۋرينا 74 جاسىندا تاعى ءبىر جوعارى وقۋ ورنىن ءتامامداپ، زاڭگەر اتاندى. بۇل تۋرالى 24.kz تەلەارناسى ايتتى، دەپ حابارلايدى «ادىرنا» ءتىلشىسى.
بۇل ۆالەنتينا پروسكۋرينانىڭ ەكىنشى جوعارى ءبىلىمى. بۇعان دەيىن ينجەنەر-ەكونوميست بولعان ول ەندى تارازداعى ۋنيۆەرسيتەتتىڭ زاڭ فاكۋلتەتىن ۇزدىك ءتامامدادى. ايتۋىنشا، بۇل ءبىلىم جۇمىس بارىسىندا قاجەت بولادى.
قازىرگى ۋاقىتتا ۆالەنتينا پاۆلوۆنا — مەكتەپكە دەيىنگى تاربيە سالاسىندا ساراپشى. بۇل سالادا ءجيى داۋلار تۋىندايدى.
ء«سىز ەكونوميستسىز، زاڭعا قانداي قاتىسىڭىز بار؟» دەگەندەر بولدى. «مەندە زاڭگەر ديپلومى بار» دەپ ناقتى ايتا الۋ ءۇشىن وسى جولدى تاڭدادىم»،- دەيدى ۆالەنتينا پروسكۋرينا.
قازىر ۆالەنتينا پروسكۋرينا الماتىدا تۇرادى. 20-دان استام كىتاپ پەن ماقالا جازعان. 9 نەمەرە مەن 2 شوبەرە ءسۇيىپ وتىرعان زەينەتكەردىڭ ەندى ماگيستراتۋراعا تۇسكىسى كەلەدى.