Jaqynda ǵana ataýly 50 jasqa tolǵan estrada juldyzy, belgili ánshi Merýert Túsipbaeva mereıtoıy týraly “Adyrna” ulttyq portalynyń tilshisine shaǵyn suhbat berdi.
-50-ge toldyńyz. Eleýli sannyń biri. Ǵasyrdyń jartysy. Ishki jan dúnıeńizde qandaı sezim boldy? Árıne bet-beıneńiz áli 18-deı qulpyryp tur ǵoı.
-Qazirgi ýaqytta kosmetologııa damyǵan zamany. Ár áıel bet kútimge kóńil bóledi. Nıet bolsa boldy. Nıet etken adam árqashan jarqyrap sulý bop júredi. Tek ózderine baılanysty. Sport bolsyn, kosmetologııa bolsyn, kóp amaly bar ǵoı, ózgeremin degen adamǵa...
Óner adamy bolǵan soń, bizge tolyqtaýǵa, qalaı bolsa solaı júrýge quqyq joq.
Túr sıpatym jas kóringenimen, men shynymen 50-ge toldym. Keı adamdar aıtyp jatady ǵoı, ishki dúnıem de áli jas dep. Menińshe, bul jańsaq pikir sekildi.
Meniń jan-dúnıem 50 jasta, júregim men janym 50 degi áıel.
Adam betin qansha durystaǵanmen, janyna ıe bolmaıdy. Jan báribir óziniń jasyn alady, jáne men oǵan jabyrqamaımyn. Solaı bolýy kerek.
-Qazir aýrý óship, karantın qatańdatylýda. Mereıtoıyńyzdy qalaı atap óttińiz?
-Mereıtoıymdy 2 qabatty jer úıde atap óttim. Kóp adam shaqyrmadym. Osy jaqynda týǵan baýyrym kovıdpen aýyryp, ábigerge tústik.
Týǵan kúnimdi toılamaımyn dep oıladym. Alaıda qazir aman-esen. Aýrýhanadan shyqty.
Keıin endi qurbylarym mereıtoıdy toılamaımyz ba degen soń az adammen 2 kún boıy atap óttik.
Adamdarǵa dalaǵa otyrǵyzyp, barynsha saqtandyq.
-Jasyryn bolmasa eń qyzyq, qundy dep alǵan syılyǵyńyzdy atap ótseńiz?
-Súıiktim kóp syılyq syılady. Barlyq syılyǵy baǵaly. Túıreýish syılasa da qýanamyn.
-Elý jyl ishinde bar armandaǵan, maqsat qylǵan isterdi oryndaı aldyńyz ba?
-Qorytyndy shyǵarýdan aýlaqpyn. Áli aıaqtanbaǵan balam bar. Áli jasamaq ıgi isterim bar.
Al óner týraly, ónerdegi jolym týraly aıtar bolsam, ónerdegi jolym ashyq boldy. Razymyn.
Halyq talasyp ánderimdi oryndap jatyr. Qanaǵatshyl adammyn. Ánimdi aıtttym, kınoǵa tústim.
Alda qoıylǵan ómirlik maqsatym kóp. Olardyń oryndalýy ýaqyttyń enshisinde. Óner jolynda maǵan qoldaý bildirgen, jankúıer bolǵan barshaǵa úlken alǵys bildiremin.
-Aıtpaqshy, búgin ulyńyzdyń da týǵan kúni eken. Instagram jelisine týǵan kúnine arnap jazǵan postyńyzdy oqyrmandarǵa usynǵymyz kelip otyr.
-20 jyl buryn sen dúnıege kelgende, dárigerler meni jansaqtaý bólimine jiberip, seni ájeńniń qolyna ustatqan edi...
Narkozdan oıana salyp, seni izdegenmin... Men seni alǵash kórgen sátten- aq janymdaı jaqsy kórgenmin....
Betińe úńilip , maaaaa, shynymen men ana atandym ba ?
Mynaý meniń balam ba dep ózime razy bolǵanym esimde....
Qudaıdan bir, adamnan bir jalynyp surap alǵan, kózimniń aǵy men qarasy, bir tal balam, jorytqanda jolyń bolsyn!!!
-Ulyńyz úılenem dese daıynsyz ba?
-Ulym úılenem dese daıynmyn. Úıi de daıyn. Buıyrsa shańyraq kótergen soń, kelinim ekeýin birden bólek shyǵaramyn.
Baıqasańyz, qazir men kelin taqyrybyn kóp qozǵap júrmin. Men kelinimdi qulsha jumsap, búıt súıt demeımin.
Balamnyń baqytty bolýy úshin onyń tynyshtyǵyn buzbaımyn.
Instagramǵa kelin týraly jazylǵan ár pikirimdi qoldaýshylar kóp. Qýantarlyǵy, qazir kóp adamdar kelindi qul kórmeıdi. Oǵan dálel, ózime jekege jazǵandar óte kóp boldy. Birte-birte barlyǵy túsinedi degen oıdamyn.
Balam keler bolsaq, óte baısaldy, sheshimine naq. Qazirgi balalar zamanaýı kózderi ashyq qoı. Kóp til biledi. Týǵan kúnińe ne syılaıyn degende, “mama 20 jasymdy Amerıkada qarsy alǵym keledi” dep bir kúnde sómkesin jınap, ketip qaldy. Qazir balam Maıamı qalasynda.
Balamnyń ár qadamyn quptaımyn. Sanasy bar. Sheshimdi uzaq qabyldap otyrmaıdy. Birden aıtady. Aman júrsin. Búgin meniń eń baqytty kúnim. Ana atanǵan ataýly kúnim...
-Suhbatyńyzǵa raqmet! Eń baqytty ataýly kúnińizdi jaqsylap atap ótińiz.
Suhbattasqan: Injý ÓMIRZAQ,
“Adyrna” ulttyq portaly
