Almaty qalasy basşysy qyzmetıne ekı ümıtker ūsynylǧan. Sonyŋ bırı Darhan Satybaldy qalalyq mäslihatta basym dauys jinap, Almaty äkımı atandy, dep habarlaidy “Adyrna” ūlttyq portaly.
Almaty äkımı qyzmetkkerınen ümıtker bolǧan ekınşı şeneunık — Beibıt Şahanov.
Aşyq dauys beru nätijesınde Darhan Satybaldyny 23 deputat qoldasa, ekınşı ümıtker — Almaty äkımınıŋ orynbasary Beibıt Şahanov 9 dauysqa ie boldy.
Mäslihat otyrysyna qatysqan QR Premer-ministrı Oljas Bektenov Memleket basşysynyŋ jaŋa äkımge jüktegen bırqatar maŋyzdy mındetterın jariialady. Atap aitqanda, Almatynyŋ injenerlık infraqūrylymyn jaŋǧyrtu, qoǧamdyq keŋıstıkterdı keŋeitu jäne qalanyŋ ekonomikalyq qūrylymyn ärtaraptandyru negızgı basymdyqtar retınde ataldy.
Almaty äkımınıŋ orynbasary Beibıt Şahanov 1979 jyly tuǧan. Abylai han atyndaǧy Qazaq memlekettık halyqaralyq
qatynastar jäne älem tılderı universitetın; Qazaq memlekettık zaŋ universitetın; Qazaq kommersiialyq-qarjy akademiiasyn; Lankaster universitetın (Ūlybritaniia) bıtırgen. Eŋbek jolyn Tabiǧi monopoliialardy retteu agenttıgınde jetekşı maman retınde bastady.
Är jyldary Qarjy ministrlıgınıŋ, Bılım jäne ǧylym ministrlıgınıŋ, Qorşaǧan ortany qorǧau ministrlıgınıŋ qūrylymdyq bölımşelerınde basşylyq qyzmet atqardy.
2015-2022 jyldary QR Ūlttyq ekonomika ministrlıgınıŋ, İnvestisiialar jäne damu ministrlıgınıŋ, İndustriia jäne infraqūrylymdyq damu ministrlıgınıŋ Qūrylys, tūrǧyn üi-kommunaldyq şaruaşylyq jäne jer resurstaryn basqaru ısterı komitetınde jūmys ıstedı. Almaty qalasy qūrylys basqarmasynyŋ basşysy bolyp jūmys ıstedı.
2023 jylǧy mamyrdan bastap Almaty qalasy äkımı apparatynyŋ basşysy, keiın äkım orynbasary bolyp jūmys ıstedı.
