55-60 jastaǵy keı aǵalarymyzdyń uqsastyqtary kóp. Smartfonynyń jaryǵyn da, daýysyn da 100-ge kóterip qoıady. Dybyssyz rejımdi múlde qoldanbaıdy. Vıdeony aıǵaılatyp bar daýysymen kórip otyrady. Bir emes, birneshe márte qaıtalap kóredi.
Ózi jibergen aýdıo habarlamany ózi birneshe márte qaıtalap tyńdaıdy. Janynda otyrsań «tynysh» dep qoıady.
Sońǵy ýaqytta jasandy ıntellektpen túrli vıdeolar jasalyp jatyr ǵoı. Solardy keıde shyn eken dep qalady. Mysaly, «Úsh basty aıdahar tabylypty», «Myna gıgant adamdardy qarashy», «Úndi muhıtynan sý perisin ustap alypty», «Bermýd úshtaǵanynan Atlantıda tabylypty» degen sııaqty vıdeolardy kórsetip turady.
«Mynaý jasandy ıntellekt» dep aıta almaısyń, kóńiline qaraısyń. Sosyn «álemde biz bilmeıtin qupııa kóp qoı aǵa» deı salasyń. Tamaq ishkende bir saıası suhbattardy qarap otyrady. Keıde tikeleı efırden kórip otyrady. Onyń taqyryptary ártúrli bolady. Kórip bolǵan suhbatyn alyp whatsapp-taǵy chattarǵa jiberedi. Ony qysqasha «Tramp degen Reseıdiń agenti eken», «Bizdi masondar bılep otyr eken» degendeı jazýmen sıpattaıdy.
Keıde álgi vıdeoǵa aýdıo habarlamamen 5-10 mınýttyq pikirin aıtady. Ony týysqandar chatynda ózi sııaqty úlken aǵalarymyz sońyna deıin tyńdap, ózderiniń pikirlerin aıtyp jatady. Qyzý talas. Aıta berse qyzyq...)
Ashat Kasengali
