Vaşingtonnyŋ okrugtık soty AQŞ prezidentı Donald Tramptyŋ äkımşılıgın şeteldık kömek baǧdarlamalaryn toqtatu turaly jarlyqty joiuǧa jäne osyndai baǧdarlamalardy qaita bastauǧa mındettedı. Būl jönınde 13 aqpan künı keşke Associated Press (AP) agenttıgı jazdy, dep habarlaidy “Adyrna” ūlttyq portaly.
Būl USAID agenttıgın qarjylandyrudy toqtatumen bailanysty alǧaşqy şeşım ekenı aityldy.
Agenttıktıŋ habarlauynşa, federaldy sudia Amir Ali öz şeşımınde "kütpegen toqtatu şeteldegı ūiymdarǧa ülken ziian keltırdı" dep, USAID qarjylandyratyn ekı halyqaralyq ūiym - AİTV (VİCh) vaksinasyn qorǧau koalisiiasy men Jahandyq densaulyq saqtau keŋesı bergen talap boiynşa uaqytşa būiryq şyǧarǧan.
Būǧan deiın Tramp äkımşılıgınıŋ ökılderı osyndai baǧdarlamalardy toqtatyp, “olardy qaita qarau nemese jalǧastyru kerek pe” degen sūraqty şeşu qajet ekenın aitqan bolatyn. Alaida sudia Ali olar "tolyq toqtatu şeteldık kömek baǧdarlamalaryn jalǧastyrudyŋ jalǧyz oryndy şeşımı" ekendıgın tüsındırmedı jäne qarjylandyrudy toqtatu saldarynan jabyluǧa jaqyn qalǧan köptegen ūiymdy elemeu üşın sebep keltırmegenın atap öttı.
AQŞ soty USAID qyzmetkerlerın mäjbürlı demalystan jūmysqa qaitardy
AQŞ-tyŋ Kolumbiia okrugındegı federaldy sotynyŋ sudiasy 7 aqpanda prezident Donald Tramptyŋ äkımşılıgınıŋ USAID qyzmetkerlerınıŋ şamamen 2700-ın jūmysynan şettetu jäne äkımşılık demalysqa jıberu josparyn uaqytşa toqtatty. Sonymen qatar, osy sanattaǧy demalysqa jıberılgen
Amerikalyq BAQ-tyŋ habarlauynşa, Vaşington sudiasy Karl Nikols ekı käsıpodaqtyŋ şaǧymyn tyŋdap, Tramp äkımşılıgınıŋ ıs-äreketterınıŋ zaŋsyzdyǧyn däleldep, josparlardy 14 aqpanǧa deiın toqtatu turaly şeşım qabyldady. Būl merzımde Tramp äkımşılıgınıŋ ıs-äreketterınıŋ zaŋdylyǧy turaly dälelder tez arada qaralyp, şeşım qabyldanuy tiıs.
Käsıpodaqtar şaǧymynda AQŞ bilıgınıŋ USAID qyzmetıne kedergı keltıretın äreketterı "älemdegı gumanitarlyq daǧdarysqa alyp kelıp, qyzmetkerlerdıŋ, grant aluşylardyŋ jäne merdıgerlerdıŋ maŋyzdy jūmysyn kenetten toqtatty, myŋdaǧan jūmys oryndarynyŋ joǧaluyna äkep soqty jäne AQŞ-tyŋ ūlttyq qauıpsızdıgıne qauıp töndırdı" dep atap öttı. Qūjatta USAID agenttıgın taratu qūqyǧy tek Kongresste ekenın jäne Tramp äkımşılıgınıŋ äreketterı "konstitusiiaǧa qarsy jäne zaŋsyz" ekenın körsetken.
Būǧan deiın Donald Tramp barlyq USAID jobalaryn 90 künge toqtatyp, agenttıktı taratu turaly şeşım qabyldap, jūmysşylardyŋ köp bölıgın jūmystan şyǧarudy josparlaǧan bolatyn. Reuters aqparatynşa, bükıl älem boiynşa 10 000 qyzmetkerı bar agenttıkte tek 290 adam ǧana qaluy tiıs edı – olar densaulyq saqtau jäne gumanitarlyq kömek salasynda jūmys ısteitınder. Tramp äkımşılıgı USAID-tı tek negızsız şyǧyndarmen emes, sondai-aq "Äl-Qaida" jäne Auǧanstandaǧy esırtkı öndırumen bailanysty jobalardy qarjylandyrady dep aiyptady.
