AQSh prezıdentiniń baspasóz hatshysy Karolın Levıtt Djo Baıden komandasyn qarjyny ysyrap etti dep aıyptady, dep habarlaıdy "Adyrna" ulttyq portaly Tengrinews.kz-ke siltep.
Onyń aıtýynsha, Aq úıdiń bıýdjet qarajaty ártúrli maqsattarǵa jumsalǵan, sonyń ishinde Qazaqstandaǵy "dezınformaııamen kúreske" 4,5 mıllıon dollar bólingen. Alaıda, Levıtt bul qarajattyń naqty qalaı jumsalǵany týraly egjeı-tegjeıli aqparat bermedi.
Sondaı-aq, ol Gvatemaladaǵy jynys aýystyrý baǵdarlamasyna 2 mıllıon dollar bólingenin atap ótti.
"Irakta jańa shoý jasaýǵa 20 mıllıon dollar, al Qazaqstandaǵy "jalǵan aqparatpen kúresýge" 4,5 mıllıon dollar bólindi. Baıden Mysyrdaǵy "týrızmdi qarjylandyrýǵa" taǵy 6 mıllıon dollar bóldi", - dedi Levıtt.
Buǵan deıin Aq úı USAID-ti "Al-Kaıda" sodyrlary úshin azyq-túlik paketterin qarjylandyrdy dep aıyptaǵan bolatyn. Osyǵan baılanysty AQSh prezıdenti Donald Tramp USAID basshylyǵynda birqatar otstavkalardyń bolatynyn málimdedi.
"Bul agenttik radıkaldy essizder tobynyń basqarýynda. Biz olardy qyzmetinen alastatamyz, sodan keıin sheshim qabyldaımyz", - dedi ol.
Aıta keteıik, USAID – AQSh-tyń halyqaralyq damý agenttigi, ol sheteldegi azamattyq kómek pen damý salasyndaǵy yntymaqtastyqty basqarýǵa jaýapty.
