Los-Andjeleste oryn alǵan joıqyn orman órti saldarynan qaza tapqandar sany 11 adamǵa jetti, dep habarlaıdy "Adyrna" ulttyq portaly CNN telearnasyna siltep.
Kalıfornııa shtatyndaǵy órt 7 qańtarda bastalyp, 12 myń gektardan astam aýmaqty jalyn sharpyǵan. 10 myńnan astam úı tolyqtaı kúlge aınaldy. Órttiń jeti iri oshaǵy tirkelip, álemge áıgili Gollıvýd jotasyndaǵy jalynnyń beti qaıtarylǵanymen, kınojuldyzdardyń elıtalyq úıleri órtenip ketken.
Sarapshylardyń málimetinshe, órtten kelgen shyǵyn 50 mıllıard dollardan asady. Bılik 180 myń turǵynǵa shuǵyl túrde qaýipsiz aımaqtarǵa evakýaııalanýǵa nusqaý berdi.
Degenmen, el aýyrtpalyqpen kúresip jatqanda, urlyq-qarlyq oqıǵalary da oryn alýda. Polıııa órtengen aýdandardaǵy ıesiz úılerdi tonaǵan 20 adamdy qamaýǵa aldy. Keıbir aımaqtarda komendanttyq saǵat engizildi.
Órtten keıin Kalıfornııa bıligi turǵyndardy qaýipsizdik erejelerin qatań saqtaýǵa shaqyrdy. Tabıǵat apatynyń saldaryn joıý jáne zardap shekkenderge kómek kórsetý jumystary jalǵasyp jatyr.
