Tıbette joıqyn jer silkinisi boldy. Saldarynan qaza tapqandar sany 53-ke, al zardap shekkender sany 62 adamǵa jetti. Bul týraly jergilikti BAQ betteri jarııalaýda, dep habarlaıdy “Adyrna” ulttyq portaly.
Qytaıdyń seısmıkalyq jeliler ortalyǵy taratqan málimetke sáıkes, jerasty dúmpýlerdiń magnıtýdasy 6,8 boldy. Al epıentri Shıgadze qalasyna jaqyn jerde boldy, onyń kúshi 7,1-ge jetti.
Zilzala Shıgadze qalasynda tirkelgen. Sonymen qatar, kýágerlerdiń sózinshe, jer silkinisi Nepal, Úndistan, Býtan men Bangladeshte de sezilgen.
Tabıǵı apat bolǵan qala turǵyndary dúrligip, úıinen qashyp ketken.
Málimet boıynsha, jer silkinisiniń oshaǵy Tıngrı okrýginde 10 shaqyrym tereńdikte bolǵan.
BNO New habarlaýynsha, keminde 53 adam qaza taýyp, 38 adam zardap shekken. Al jer silkinisiniń epıentri bolyp anyqtalǵan Tıngrı aımaǵynda myńǵa jýyq úı qıraǵan.
Jer silkinisi bolǵan aımaqta 62 myńǵa jýyq adam turady. CENC málimetinshe, bul óńirde keıingi bes jylda bolǵan joıqyn zilzala.
