Beısenbi kúni Kalıfornııanyń ońtústiginde shaǵyn ushaq ǵımarattyń tóbesine soǵylyp, eki adam qaza taýyp, 19 adam jaraqat aldy. Bul týraly jergilikti polıııa málimdedi, dep habarlaıdy “Adyrna” ulttyq portaly.
Aqparatqa sáıkes, qaza tapqandar ushaqta bolǵan dep boljanýda. Al jaraqat alǵandar sol ýaqytta ǵımarattyń ishinde bolǵan. Ǵımaratta jıhaz qaptaý óndirisi júrgizilýde, onda kem degende 200 adam jumys istegen.
Polıııa málimetteri boıynsha, 11 adam aýrýhanaǵa jetkizildi, al 8 adam oqıǵa ornynda medıınalyq kómek aldy. Fýllerton órt qyzmetiniń orynbasary Maıkl Mıchemniń aıtýynsha, jaraqattar jeńilden bastap óte aýyrǵa deıin boldy.
Ulttyq kólik qaýipsizdigi keńesiniń tergeýshisi Elıott Sımpsonnyń aıtýynsha, ushaq jerden 274 metr bıiktikte bolǵanda, pılot áýejaıǵa qaıta oralý úshin ruqsat suraǵan, al dıspetcher ruqsat bergen. Pılot nege qaıtý kerek ekenin aıtqan joq.
FlightAware saıtyndaǵy derekterge sáıkes, ushaq Fýllerton qalasyndaǵy mýnııpaldy áýejaıdan ushqannan keıin eki mınýtqa jetpeıtin ýaqyt ótken soń apatqa ushyrady. Áýejaı Orındj okrýginde, «Dısneılend» saıabaǵynan 10 shaqyrymdaı qashyqtyqta ornalasqan. Sımpsonnyń aıtýynsha, apat ushaq ushyp ketken soń shamamen 300 metr jerde bolǵan.
Kameranyń baqylaý beınelerinen ushaqtyń ǵımaratqa qulaýdyń aldynda búıirine qısaıyp ketkenin kórýge bolady, qulaǵannan keıin jarylys bolǵan.
“Órt sóndirýshiler men polıııa oqıǵa ornyna kelip, órtti sóndirip, jaqyn mańdaǵy kásiporyndardy evakýaııalady”, dep habarlady Fýllerton polıııasynyń ókili Krıstı Ýells.
Federaldy azamattyq avıaııa basqarmasy oqıǵany tergep jatyr. Basqarma ushaqty Van kompanııasynyń bir qozǵaltqyshty tórt oryndyq RV-10 úlgisi retinde anyqtady.
“Osy áýejaıdan birneshe aı buryn, qarasha aıynda taǵy bir tórt oryndyq ushaq ushyp shyqqannan keıin, apatty qoný kezinde aǵashqa soǵylyp, eki adamnyń ortasha jaraqat alǵany habarlanǵan”, dep jazdy The Orange County Register.
Aıta ketsek, Fýllerton – Los-Andjelesten 40 shaqyrymdaı ońtústik-shyǵysta ornalasqan, turǵyn sany shamamen 140 myń adamdy quraıtyn qala.
