Reseı Ýkraınaǵa jappaı zymyrandyq soqqy jasady. Baqylaý arnalary reseılikter ushyrǵan qanatty jáne ballıstıkalyq zymyrandar, sondaı-aq Kıev jáne basqa qalalardaǵy jarylystar týraly jazýda, dep habarlaıdy “Adyrna” ulttyq portaly DW saıtyna siltep.
Aqparatqa sáıkes, zymyrandyq shabýyl búgin, 31 jeltoqsan kúni bolǵan. Ushaqtar men ballıstıkalyq zymyrandardy qoldaný qaýpine baılanysty búkil el boıynsha dabyl qaǵyldy. Monıtorıng portaldarynyń habarlaýynsha, kem degende alty reseılik TÝ-22M3 ushaǵy aspanǵa kóterilip, Ýkraınaǵa H-22 zymyrandarymen atqylaǵan.
Ýnıan basylymyna aýdan ákimshiliginiń basshysy Nıkolaı Noganyń habarlaýynsha, Sýmy oblysynyń Shostka qalasyna jasalǵan shabýyldan keıin 12 kópqabatty úı, eki oqý orny men áleýmettik nysandar zardap shekken.
Ýkraına Qarýly Kúshteri Reseıdiń alty strategııalyq bombalaýshy ushaǵy áýede júrgenin habarlady. Ýkraınanyń baqylaý arnalary bul ushaqtardyń qazirdiń ózinde zymyrandardy atqylaǵanyn málimdedi.
Ýkraınanyń barlyq aýmaǵynda áýe shabýyly týraly eskertý jarııalandy.
