Parlament senaty Ákimshilik quqyq buzýshylyq týraly kodekske engiziletin jańa túzetýlerdi maquldady, dep habarlaıdy “Adyrna” ulttyq portaly.
Qujatqa sáıkes jol qozǵalysy erejelerin buzǵandarǵa qatysty aıyppul mólsheri men jaza túrleri aıtarlyqtaı kúsheıedi.
Kólik terezesinen nemese lıýginen denesin shyǵaryp, esikti ashqan jolaýshylar 10 AEK (34500 teńge) kóleminde aıyppul tóleıdi.
Qarsy jolaqqa shyqqan múgedek júrgizýshiler úshin júrgizýshi kýáliginen aıyrý jazasy qoldanylmaıdy. Onyń ornyna 30 AEK (103500 teńge) aıyppul salynady.
Odan bólek, eger jol apatynan zardap shekkender bolmasa, júrgizýshi 9 aıǵa kólik júrgizý quqyǵynan aıyrylady (596-bap).
Jedel járdem nemese arnaıy qyzmet kóligine basymdyq bermegender 20 AEK (69000 teńge) aıyppul tóleıdi. Ereje bir jyl ishinde qaıtalansa, aıyppul kólemi 40 AEK-ke (138000 teńge) ósedi nemese 20 saǵat qoǵamdyq jumysqa tartylady (598-bap).
Bul jaǵdaıdaǵy aıyppul 10 AEK-ten 20 AEK-ke deıin kóbeıedi. Eger júrgizýshi jol apatyna sebepker bolsa, 9 aıǵa júrgizýshi kýáliginen aıyrylady (607-bap).
Erejeni bir jyl ishinde qaıta buzǵandar 20 saǵat qoǵamdyq jumysqa tartylady.
Avtoturaq aqysyn tólemegenderge salynatyn aıyppul mólsheri 3 AEK-ten 1 AEK-ke deıin tómendeıdi. Bir jyl ishinde qaıtalanǵan jaǵdaıda 5 AEK ornyna 2 AEK aıyppul tólenedi (597-bap).
Zardap shekkender bolmaǵan jaǵdaıda júrgizýshi kýáliginen aıyrý jazasy qoldanylmaıdy. Onyń ornyna 20 AEK aıyppul salynady. Eger apat bir jyl ishinde qaıtalansa nemese adam zardap shekse, 9 aıǵa kólik júrgizý quqyǵynan aıyrylady (610-bap).
Bul túzetýlerge endi prezıdent qol qoıýy kerek. Qujat 2025 jyldyń qańtarynan bastap kúshine enýi múmkin.
