Geıdar Álıev atyndaǵy halyqaralyq áýejaıda ushaq apatynan (Baký-Groznyı J2-8243 reısi) qaza tapqandardy eske alý rásimi ótti, dep habarlaıdy "Adyrna" ulttyq portaly.
Qaza tapqandardy eske alý úshin bir mınýt únsizdik jarııalandy.
"Baký-Groznyı J2-8243 reısindegi qaıǵyly oqıǵa saldarynan qaza tapqandardy Geıdar Álıev atyndaǵy halyqaralyq áýejaıda bir mınýt únsizdikpen eske aldy. Jatqan jerleri jaıly bolsyn", - delingen vıdeodaǵy jazbada.
Adamdar áýejaıda memorıaldyq stendke gúl shoqtaryn ákelip, qaıǵyly oqıǵa qurbandaryn eske alǵan.
Áýejaıdyń resmı Telegram-kanalynda vıdeo jarııalandy. Kadrlarda áýejaı ǵımaratyndaǵy adamdardyń qurmet, qaıǵy jáne kóńil aıtý belgisi retinde bastaryn ıgeni kórsetilgen.
Ázerbaıjan áýe joldary da memorıal alańynan fotosýrettermen bólisti. Jarııalanǵan kadrlarda memorıaldyq stendke gúl shoqtaryn ákelip, qaıǵyly oqıǵa qurbandaryna taǵzym etip jatqanyn kórýge bolady.
«Biz Embraer 190 ushaǵynyń apatynda joǵaltqan qymbatty adamdardy eshqashan umytpaımyz. Baký áýejaıynyń 2-termınalynyń ońtústik kireberisinde ornatylǵan bul ǵımarat kelýshilerdi shyn júrekten duǵa, estelikter men qurmetpen bólisýge shaqyratyn tereń maǵynaǵa ıe», - delingen habarlamada.
