Qorǵanys mınıstri Rýslan Jaqsylyqov sporttyq jáne jaýyngerlik sambo federaııasynyń prezıdenti bolyp saılandy. Saılaý Astanada federaııanyń kezekten tys otyrysynda ótti, dep habarlaıdy “Adyrna” ulttyq portaly.
Qorǵanys mınıstriniń kandıdatýrasyna federaııanyń barlyq múshesi biraýyzdan daýys berdi. Oǵan deıin bul qyzmette Aıdos Aqjanov boldy.
"Federaııa múshelerine nátıjeli jumysy men maǵan kórsetken senimi úshin alǵysymdy bildiremin. Sporttyq jáne jaýyngerlik sambony áskerı jáne quqyq qorǵaý qyzmetinde jeke quramdy daıarlaý júıesine engizý josparlanýda. Biz sporttyń osy túrin, onyń ishinde áskerı-qoldanbaly sport túri retinde damytý boıynsha aýqymdy jumys atqarýymyz kerek", - dedi general-polkovnık Rýslan Jaqsylyqov.
Federaııanyń jańa prezıdenti bolashaqtaǵy jospary týraly aıtty.
"2025 jyly sambo TMD-ǵa qatysýshy memleketterdiń Dostyq armııalarynyń áskerı – sporttyq oıyndarynyń baǵdarlamasyna jáne Qazaqstan qarýly kúshteriniń spartakıadasyna engiziledi. Jastardy áskerı-patrıottyq tárbıeleý jelisi boıynsha damytý úshin is-sharalar kesheni josparlanǵan. Qorǵanys mınıstriniń kýbogyna sambodan ashyq respýblıkalyq týrnır ótedi. Baýyrjan Momyshuly atyndaǵy Almaty áskerı-sport kolledjinde sambo bólimshesin ashý josparda bar, onda kóp balaly otbasylardan shyqqan balalarǵa, áskerı qyzmetshiler men aýyl jastaryna jeńildik beriledi. Jappaı damý maqsatynda qarýly kúshter qataryna jaýyngerlik sambo boıynsha maman-nusqaýshylardy shaqyramyz", - dedi federaııa prezıdenti.
Búgingi tańda sambo boıynsha 1100-den astam sekııada qyryq myńnan astam adam aınalysady.
Aıta keteıik, qoǵamdyq birlestiktiń jańa basshysy Rýslan Jaqsylyqov - dzıýdodan KSRO sport sheberi, birneshe dúrkin chempıon, sambo men dzıýdodan respýblıkalyq jáne halyqaralyq jarystardyń júldegeri.
