Petropavlda sábı oryndyqtan qulap, kózine pyshaq kirip ketken, dep habarlaıdy "Adyran" ulttyq portaly.
Ol óte aýyr jaǵdaıda oblystyq kópsalaly balalar aýrýhanasyna jetkizildi.
Tótenshe jaǵdaı 19 jeltoqsan kúni bolǵan. Saǵat 14:05-te oblystyq kópsalaly balalar aýrýhanasyna 3 jasar bala jedel járdemmen tústi.
Anyqtalǵandaı, bala as úıdegi oryndyqtan qulap, kózine pyshaq kirip ketken. Áıel kózinen pyshaqty sýyryp alǵanda, bala esin joǵalta bastaǵan. Onyń sol jaq kóz uıasy jaralanǵan.
“Reanımaııalyq sharalar dereý bastalyp, sátti ótti, júrek-ókpe qyzmeti qalpyna keltirildi, ınotropty qoldaýmen gemodınamıka baqylanady. Dereý barlyq qajetti dárigerlerdiń, sonyń ishinde neırohırýrg pen oftalmologtyń keńesi shaqyryldy”, – deıdi dárigerler.
Nárestede ashyq bas súıek-mı jaraqaty, mı kontýzııasy, kózinde pyshaq jaraqaty bar. Qazir dárigerler onyń ómiri úshin kúresip jatyr.
