Áskerı ǵylymdar akademııasynyń prezıdenti Muhtar Serkpaevtyń bılikti synaǵan vıdeosy jelide tarady, dep habarlaıdy “Adyrna” ulttyq portaly.
Vıdeoda Muhtar Serkpaev Qazaqstannyń Reseıge tolyqtaı táýeldi bolý qaýipi baryn aıtady.
«Halyq arasynda eldiń satylyp jatqandyǵy týraly pikir taralýda. Bul ýran kenishteri men altyn shahtalaryn, energetıkalyq qurylymdar men atom elektr stanııalaryn Reseıge satý máselelerine baılanysty aıtylyp jatyr. Nátıjesinde Qazaqstannyń tolyqtaı Reseıge táýeldi bolýy múmkin degen qaýip bar. Bul jaǵdaı eldiń ekonomıkalyq tutastyǵy men táýelsizdigine qaýip tóndiredi. Biz óz jerimizde, óz elimizde Palestına sııaqty bolýymyz múmkin. Sondyqtan, bılik basyndaǵylar bul máseleni tereńnen oılap, halyqtyń kóńil-kúıin eskerýi kerek. Sebebi, áskerı qyzmetkerler men qaýipsizdik organdarynyń arasynda narazylyq kóp. Halyqtyń jaǵdaıyn jaqsartý úshin qabyldanǵan mindettemelerdi oryndaý, halyqtyń ál-aýqatyn qamtamasyz etý mańyzdy. Qazirgi ýaqytta túrli arnalarda burynǵy mınıstrler men ákimderdiń halyqqa jaqsy usynystar aıtatyny da baıqalýda», - deıdi Muhtar Serkpaev vıdeoda.
Aıta keteıik, Muhtar Serkpaev - áskerı ǵylymdar boıynsha mamandanǵan professor, Qazaqstan Respýblıkasy jáne Reseı Federaııasy Ǵylym akademııasynyń tolyq múshesi, Reseı Federaııasy Áskerı ǵylymdar akademııasynyń A.Svechın atyndaǵy jáne 21 ǵasyr qaýipsizdigi syılyǵynyń laýreaty.
