Ońtústik Koreıanyń bıliktegi "Halyq kúshi" partııasynyń lıderi Han Don Hýn prezıdent Iýn Sok Iolden áskerı jaǵdaı engizgeni úshin otstavkaǵa ketýin talap etti jáne memlekettiń basshysy el úshin úlken qaýip tóndirip otyr dep málimdedi. Bul týraly 6 jeltoqsan kúni AFP agenttigi jarııalady, dep habarlaıdy “Adyrna” ulttyq portaly.
Agenttiktiń málimetinshe, bul pikir prezıdenttiń ımpıchmentine jetkilikti daýys jınalýyna yqpal etetini sózsiz, al daýys berý 7 jeltoqsanda ótedi.
AFP buǵan deıin Han Don Hýn 5 jeltoqsan kúni ımpıchmentti toqtata alatynyn málimdegenin eske saldy. Alaıda bul sheshimine memleket basshysy óz áreketiniń qateligin moıyndaýdan bas tartýy sebep bolǵan.
"Jańa derekterdi eskere otyryp, meniń oıymsha, prezıdent Iýn Sok Ioldiń qyzmetinen shuǵyl túrde bosatylýy qajet, sebebi bul Ońtústik Koreıa Respýblıkasyn jáne onyń halqyn qorǵaý úshin asa mańyzdy", – dedi partııa basshysy.
Ol prezıdenttiń áskerılerge qatysty eshqandaı shara qoldanbaǵanyn atap ótti.
”Olar zańsyz aralasqan. Odan bólek, prezıdent bul zańsyz áskerı jaǵdaıdyń qate ekenin moıyndamaıdy", – dedi Han Don Hýn.
Onyń pikirinshe, prezıdent áskerı jaǵdaı kezinde kontrbarlaý bastyǵyna birneshe negizgi saıasatkerlerdi "memleketke qarsy áreket etý" aıyby boıynsha tutqyndaýdy buıyrǵan.
"Osylaısha, eger prezıdent Iýn prezıdenttik qyzmetti jalǵastyrsa, elde qazirgi tótenshe jaǵdaı sııaqty ekstremaldy áreketter qaıtalanýy múmkin. Bul Ońtústik Koreıa men onyń azamattaryna úlken qaýip tóndiredi", – dep qosty ol.
Ońtústik Koreıadaǵy eń iri oppozıııalyq kúsh - "Tobýro" demokratııalyq partııasy 4 jeltoqsanda prezıdentti ımpıchmentke ushyratýdy josparlap otyrǵanyn málimdedi. Partııa prezıdentke, qorǵanys jáne ishki ister mınıstrlerine, sondaı-aq "áskerı jaǵdaıdy basqarǵan jáne polıııa basshylary sııaqty negizgi áskerı jáne polıııa ókilderine" kóterilis aıybyn taǵaıyndaıtynyn qosty, dep habarlady AFP agenttigi.
Oǵan deıin Iýn Sok Iol áskerı jaǵdaı rejıminiń áreket etý merzimi aıaqtalǵanyn jarııalaǵan bolatyn, bul rejımdi ózi birneshe saǵat buryn engizgen.
Odan buryn, el parlamenti - Ulttyq assambleıa áskerı jaǵdaı rejımine qarsy shyqty. Reuters agenttiginiń málimetinshe, 3 jeltoqsan keshke, 300 depýtattyń 190-y parlament ǵımaratyna qorshaýdy buzyp ótip, áskerı jaǵdaı rejımin joıýǵa daýys bergen.
